جوزجان دین عالم‌لریدن یوزلرچه‌سی شبرغان شهریده بیر ییغین اوتکزیب اوروش طرفلریدن اوروشدن قول تارتیش‌لرینی طلب قیلگنلر.
اوشبو دین عالم‌لر، طالبان گروهی‌دن دایمی تینچلیک‌که قول تاپیش اوچون افغانستان‌لیکلر ارا سوزلشوولرده ایجابی جواب قیتریش‌لرینی سوره‌گنلر.
اولرنینگ تاکید قیلیشیچه، افغانستان تینچلیک خصوصیده چیت‌ایللیک مملکت‌لرده صورت تاپه‌دیگن ییغینلر هیچ‌قنده‌ی نتیجه بیرمه‌یدی.
عین‌حالده، جوزجان حاکمی لطف‌الله عزیزی نینگ ایتیشیچه، طالبان گروهی افغانستان حکومتی‌نی آمریکا برنامه‌لری نینگ حمایت‌چیسی بیله‌ریدی، بیراق حاضرده اوشبو گروه آمریکا ایستک‌لری اساسیگه حرکت قیله‌دی و قطر، چین و روسیه ده اوشبو مملکت‌لر رسمی‌لری بیلن مذاکره قیله‌دی.
بوتوغریده طالبان فکرینی آلیش اوچون سعی و حرکت قیلدیک، بیراق کوپینچه سعی و حرکت بیلن موفق بولمه‌دیک.
جوزجان دین عالم‌لری، 6 ماده‌لیک بیرشرطنامه ترقه‌تیش بیلن 6 آی‌لیک آتیش‌کیسین، محبوسلرنینگ قوییب یوباریلیشی و افغانستان‌لیکلر ارا سوزلشوولر باشله‌نیشی اوستیگه تاکید قیلگنلر.
