کاپیسا امنیتی منبعلری نینگ ایتیشلریچه، نمایندهلر کینگشی اعضالریدن بیری نینگ ایناغه و 11 قوروقچیسی ایکی عیالنی جنسی زورلگن.
امنیتی بیر منبع نینگ کیملیگی سرقالیشنی ایستهب سلاموطندارگه ایتیشیچه، مذکور ایکی عیال اوتگن کونی سیاحت اوچون کاپیسا ولایتیگه کیلگن. منبع گه کوره، عیاللردن بیری کاپیسا یشاوچیسی و باشقه بیری ایسه کابلدن اوشبو ولایتگه کیلگن ایکن.
منبع نینگ کوپهیتیریشیچه، اوتگن "جمعه" کونی کیچ قورون اوشبو عیاللرنینگ موتری صیاد منطقهسیده بوزیلهدی و قوراللی کیشیلر اولرنی کاپیسا ولایتی نینگ حصهدوم تومنینی جمالآغه قیشلاغیده مسکونی بیر اویگه آلیب بارگنیدن سونگ، جنسی زورلهیدی.
منبع نینگ معلوماتیگه کوره، قوراللی کیشیلر مذکور عیاللرنی جنسی زورلگنیدن سونگ، کیچهنی یرمیگه اویدن چیقارهدی. اونینگ کوپهیتیریشیچه، اوشبو عیاللر پولیس نظارتیده و عیبلنگن کیشیلرنی قولگه آلیش اوچون سعی و حرکتلرنی دوامی بار.
کاپیسا ولایتی بوییچه عیاللر ریاستی نینگ اوشبو واقعهنی تصدیقلب سلاموطندارگه ایتیشیچه، قوراللی کیشیلردن 6 تهسی پولیس تامانیدن قولگه آلینگن.
عیاللر ریاستی مسووللریگه کوره، پولیس اولرگه کوپراق معلومات بیرمهیدی.
کاپیسا ولایتی نینگ کوهبند تومنی ولسوالی و نمایندهلر کینگشی اعضاسی خدیجه الهام نینگ ایناغهسی سیفالرحمان خلیل نینگ بو ادعالرنی رد قیلیب ایتیشیچه، او و 3 قوروقچیسینی بو واقعهگه قولی یوق دیر.
نمایندهلر کینگشی اعضاسی خدیجه الهام نینگ فکرینی آلیش اوچون سعی و حرکت قیلدیک، بیراق موفق بولمهدیک.
