بوگون "شنبه" جوزجان ولایتیده قالین توقووچی، گل تیکه‌دیگن، خیاط‌لیک قیله‌دیگن و خامک تیکه‌دیگن عیال‌لرنینگ قول صناعت‌لریگه بازار تاپیش مقصد ده بیر کورگزمه یولگه قویلگن.
جوزجان ولایتیده "لنکن" تعلیمی مرکز اورین باسری ملالی مبارزنینگ ایتیشیچه، اوشبو برنامه‌دن مقصد اجتماعی بولیم‌لر اینقسه قول صناعت‌لر خصوصیده عیال‌لرنی تشویق قیلیش و ظرفیت‌لرینی یوقاری آلیب باریش دیر.
اونینگ ایتیشیچه، لنکن تعلیمی مرکز، بونده‌ی کورگزمه یولگه قویلیشیدن حمایت بیلدیریب و عیال‌لر مهارت‌لرینی یوقاری آلیب باریش اوچون سعی و حرکت قیله‌دی.
خانم احمدی نینگ کوپه‌یتیریشیچه، شبرغان شهری و اطراف‌لریده تیریک‌چیلیک قیله‌دیگن صناعتچی عیال‌لر 45 قلم قول صناعت‌لرینی کورگزمه‌گه قویگن و اولردن کوپراغی سرپرست‌سیز، کر و ناگران عیال‌لر تامانیدن تیارلنگن.
عین‌حالده، ناگران عیال‌لردن بیرقطاری نینگ ایتیش‌لریچه، بونده‌ی کورگزمه‌لرنینگ یولگه قویلیشی اولرنینگ کوچلی قیله‌دی و بونده‌ی برنامه‌لرنی دوام قیلیشی کیره‌ک.
سویدن کمیته‌سی ایشلاوچی‌لریدن بیری سمیرا ملک‌یار، ناگران عیال‌لرنینگ قول صناعتی‌‌نی کورگزمه‌گه قویگن. اونینگ ایتیشیچه، اوشبو فرصت کر و ناگران عیال‌لر و قیزلر اوچون فایده‌لی دیر.
شونینگدیک، جوزجان ولایتی بوییچه عیال‌لر ریاستی مسووللری نینگ ایتیش‌لریچه، جوزجان‌لیک عیال‌لردن کوپ قطاری قول صناعت‌لری آرقه‌لی، خرجت‌لرینی تامین‌لب و باله‌لرینی مکتب‌گه یوباره‌دی. اوشبو ریاست مسوول‌لریگه کوره، قول صناعت‌لرگه مناسب بازار بولمه‌گنی جدی قیین‌چیلیک‌لردن و اوشبو ریاست بو قیین‌چیلیک‌نی حل قیلیش اوچون سعی و حرکت قیلماقده.
