جوزجان ولایتیده محبوس و عایله‌وی زوروانلیک‌لردن زیان کورگن عیاللرنینگ قول صناعتی‌نی بیرینچی کورگزمه‌سی یولگه قوییلدی.
اوشبو کورگزمه مملکت مستقللیک بیره‌می مناسبتی بیلن جوزجان ولایتی بوییچه عیاللر ریاستی تامانیدن محبوس عیاللرگه ایش اورگه‌تیش و اولرنینگ اوز باشیمچه قیلیش نیت ده یولگه قوییلگن.
جوزجانده عیاللر اوچون عیاللر اداره‌سی مسؤولی حمیرا قاضی‌زاده نینگ ایتیشیچه، اولر عایله‌وی زوروانلیک‌لردن زیان کوریب مذکور اداره گه مراجعت قیلگن عیاللرگه قول صناعتی توغریسیده تعلیمات بیره‌دی.
جوزجانده محبوس عیاللردن بیری جمیله پوپل، عیاللر اوچون عیاللر اداره‌سی نینگ بو حرکتی‌نی خوش قرشی‌لب و بونده‌ی کورگزمه‌لر یولگه قوییلیشی‌نی محبوس عیاللرنینگ قول صناعت‌لری ساتیلیشی و بازاری یخشی بولیشی توغریسیده جوده هم تأثیرچن دییدی.
جوزجان ولایتیده عیاللر ریاستی باشلیغی مسلمه غنی‌زاده، جوزجانده محبوس و عایله‌وی زوروانلیک‌لردن زیان کورگن عیاللرنینگ قیلگن محنت‌لری و قول صناعت‌لریگه اشاره قیلیب ایتیشیچه، بو عیاللر قماخانه‌ده تعلیم کوریشه‌دی و قوییب یوباریلگن‌لریدن سونگ، عایله‌لری نینگ اقتصادلریگه یاردم بیریشه‌دی.
جوزجانده عیاللر اوچون عیاللر اداره‌سی مسؤوللری گه کوره، بو اداره محبوس عیاللرگه قول تیکووچیلیگی، تیکووچیلیک، قالین توقیش و مونچاق تیکیش ایشلرنی اورگته‌دی و بو ایش گه باشله‌گنیدن بویان خوفسیز مرکزده سقلنگن 1500 عیال گه یوقاریده ایسلب اوتیلگن فن‌لر توغریسیده تعلیمات بیریلگن.
جوزجان: سرایش رادیوسی نینگ گزارشی
