افغانستان شمالیده جنبش حزبینینگ قومندانلریدن بیری بولگن نظامالدین قیصاری توتقونگه آلینگنیگه قرشی 11 کوندن بویان یولگه قوییلگن ناراضیلیک نمایشلر دوامیده بوگون «جمعه» جوزجان ولایتیده جنبش حزبینینگ طرفدارلریدن مینگلرچهسی جادهلرگه چیقیب، مذکور ولایت مقامی، معارف ریاستی و باشقه ایریم دولتی ادارهلرنی باغلب و اولرنی برابریده تحصن خیمه قورگنلر.
اوشبو اعتراضچیلر ولایت بِناسی و معارف ریاستی گه هجوم قیلیب، جمهور رئیس غنینینگ بوتون صورتلرینی ادارهلر و عمومی جادهلردن توپلب اوتگه یاندیرگنلر.
اولرنینگ آگاهلنتیریشیچه، جمهورلیک ریاستینینگ بیرینچی اورین باسری جنرال عبدالرشید دوستم مملکت گه قیتیب و نظامالدین قیصاری توتقوندن قوییب یوباریلگونگهقدر، ناراضیلیکلریدن قول تارتمهیدیلر.
جوزجان ولایتینینگ محلی رسمیلری، حاضرگچه ولایت مقامی و باشقه دولتی ادارهلر اعتراضچیلر تامانیدن باغلنگنی توغریسیده میدیاگه هیچ نرسه دیمهگن.
عین حالده، فاریاب ولایتینینگ محلی رسمیلری، نظامالدین قیصارینینگ قوروقچیلریدن 8 تهسی قوییب یوباریلگنیدن خبر بیرهدی.
