فراه ولایتیده 25ته طبیات مرکزی طالبلر آگاهلنتیریشی نتجهسیده یاپیلدی.
فراه ولایتی نینگ محلی بلند مرتبهلی رسمیلری، اوشبو ساندهگی طبیات مرکزلرینینگ فعالیتی شیبکوه، پشت کوه، بالابلوک و خاکسفید تومنلریده توخته تیلگن دیدیلر. بو کلینکلرنینگ ایشگی باغلنگنی سبب ایکّی کوندن بیری هیچ بیر کسل قبول قیلینمهگن.
سلاموطندار رادیوسیگه مصاحبه بیرگن ولایت والسینینگ سوزلاوچیسی محمدناصر مهری، قوراللی طالبلر بوندن نیچه کون آلدین ولایت شفاخانهسی نینگ باشقرمهسیدن مذکور تومنلردهگی شفاخانهلرده جراحلیک بولیمی فعال بولیشینی تکلیف قیلگنلر؛ لیکن، بو تکلیفگه محلی مسووللر تامانیدن رد جوابی بیریلگن دن کیین اوشبو طبیات مرکزلری باغلنگن دیگن.
جناب مهری، فراه ولایتی نینگ والیسی ولایتدهگی ملی کوچلردن اساسی بیر چاره تدبیر بیلن اوشبو طبیات مرکزلری قیته آچیلیشی اوچون بویروق بیرگن دیدی.
فراه شفاخانهسی نینگ باشلیغی عبدالجبار شایق، قوراللی طالبلرنینگ آگاهلنترگنلیگی عاقبتیده پشترود و خاکسفید تومنلریده نیچه طبیات مرکزینینگ فعالیتی توخته تیلگن لیگینی تصدیق ایتگن. لیکن، ایریم تومنلردهگی کلینکلر هنوز هم فعال دیدی شایق. جناب شایق، محلی رسمیلر اشتراکیده اوتکزیلگن ییغینده بو قیینچیلیک حل بولیشی اوستیده تاکید ایتگن.
ولایت نینگ قطار فعاللری، یوقاریده ایسلهتیلگن تومنلرده طبیات مرکزلری باغلنگن لیگی باعث یشاووچیلر جدی قیین چیلیک بیلن روپه ره بولگنلرینی تیلگه آلگنلر.
مدنی فعال جاوید تابش، فعالیتی توخته تیلگن طبیات مرکزلرینینگ فراه شهریدن 25 کیلو متر فاصلهسی بارلیگینی ایتگن.
