افغانستان جمهور رییسی اشرفغنی و هند باش وزیری صورتینی چیزگن نقاشلر طالبلر تامانیدن اولیمگه تهدید ایتیلگنلر.
هرات ولایتی چشت تومنینینگ یشاووچیسی بولگن نثاراحمد رحیمی و رفیع احمد رحیمیلر بوندن نیچه وقت آلدین سلما سوو توغانی آچیلیش مناسبتی بیلن مملکت جمهور رییسی غنی و هند باش وزیری نارندرا مودی صورتینی چیزگن ایدیلر.
اوشبو نقاش ایکّی ایناغه سلما سوو توغانی آچیلیش مناسبتی بیلن چشت تومنیگه کیلگن ایکّی رهبرنی کوریش بیلن بو صورتلرنی هدیه قیلیشنی ایستهگنلر؛ اما، امنیتی تهدیدلر باعث جمهور رییسغنی و هند باش وزیرینینگ بو تومنگه قیلهجک سفری بیکار ایتیلیشی بیلن بو صورتلر ایکّی ایناغهنینگ قولیده قالگن.
ایندی مذکور صورتلر اوشبو صنعتچی ایکّی ایناغهنینگ طالبلر طرفیدن تهدید ایتیلیشیگه روپه ره قیلگن. اوشبو یاشلر جنگری طالبلر تامانیدن بار – بار اولیمگه تهدید ایتیلگن لیکلرینی تیلگه آلگنلر. بو گروه تامانیدن صحرایی محکمهلری صادر بولگن لیگینی اظهار قیلگنلر.
مذکور ایکّی نقاش محلدهگی مکتبلرنینگ بیریده اوقیتوچی بولگن آتهسی بیلن بوگون توشدن سونگ ملی اردونینگ تیک اوچرلر آرقهلی هرات شهریگه آلیب کیلینگنلر.
بوندن ایکّی ییل آلدین هرات بیلیم یورتی صنعتچیلیک فاکولتهسینی بیتیرگن نثار احمد رحیمینینگ سوزلریگه کوره، طالبلرنینگ قوماندانلریدن ملاعبدالرحمان "مالدار" تیلفون آرقهلی علاقهده بولیب تهدید قیلگنلر.
اونینگ ایتیشیچه، طالبلرنینگ بو قوماندانی مذکور یاشلر طرفیدن چیزیلگن صورتلرنی بُتگه اوخشهتیب، اسلام قرهشیدن بو ایش نا درست دیب نقاشلر محاکمه بولیشینی سورهگنلر.
باشقه بیر نقاش رفیع احمد رحیمی، مینگلب امید بیلن سلما لایحهسی آچیلیشینی کوتیب، جمهور رییسغنی باش وزیر نارندیرا مودینی صورتلرینی چیزگنلیکلرینی ایتگنلر.
هراتده استقامت قیلهدیگن اوشبو ایکّی کیشی حکومت اینیقسه جمهور رییس غنیدن جانی امنیتلری تامینلهنیشی اوچون اعتبار قرهتیشینی سورهگن.
عین حالده، چشت شریف تومنینینگ پولیس قوماندانی عبدالقادر سرورینینگ سوزلریگه قرهگنده، اوشبو خانهدان قوراللی طالبلر طرفیدن اولیمگه تهدید ایتیلگنلری توغریسیده خبر بولگنلریدن کیین، موضوعنی پایتختگه گزارش بیریب، مذکور نقاشلر جانی امنیتی تامین بولیشی اوچون لازم چاره تدبیر کورگنلر.
باشقه تاماندن هرات ولایت والیسینینگ سوزلاووچیسی جیلانی فرهاد، اوشبو یاش هنرمندلر خانهدانینینگ امنیتی تامین ایتیلیشی اوچون جدی چاره تدبیر آلینگن دیگن. شونینگ بولر جمهور رییس بیلن اوچرهشیشی اوچون زمینه یره تیلیهدی دیگن جناب فرهاد.
