.JPG)
جوزجان ولایتی نینگ مردیان تومنی مسووللریگه کوره، اوتگن ایکی کون جریانیده کمیده 100 عایله طالبان تامانیدن زوردن کوچیریلگن.
مردیان تومنی نینگ ولسوالی شمس‌الدین شهاب نینگ سلام‌وطندارگه ایتیشیچه، طالبان گروهی مذکور عایله‌لرنی زوردن کوچیرگن و حاضرده اولرنینگ اوی‌لریدن سنگر صفتیده ایش آله‌دی.
مردیان ولسوالی نینگ ایتیشیچه، اوشبو رقم عایله‌لر حاضرده مردیان تومنی نینگ اوزاقده بولگن قیشلاقلریده یمان وضعیتده حیات کیچیره‌دیلر.
مردیان تومنیدن آقچه تومنیده آواره بولگن‌لردن بیرقطاری نینگ ایتیشیچه، ایسیق کییم‌لری یوق‌لیگی و هوا ساووقلیگی باعث، باله‌لری کسل بولگن.
.JPG)
جوزجان پولیس قومندانی عبدالواحد وجدان نینگ ایتیشیچه، طالبان گروهی نینگ تهدیدلری سبب، مردیان یشاوچی‌لریدن بیرقطاری آواره بولگن.
طالبان گروهی حاضرگه‌قدر بوتوغریده صحبت قیلمه‌گن.
مردیان تومنی نینگ محلی مسووللری تامانیدن بیریلگن ارقاملرگه کوره، طالبان گروهی بوندن آلدین هم 60 دن آرتیق عایله‌نی زوردن کوچیرگن ایکن.
