مملکت حربی کوچلر اورین باسری جنرال مرادعلی مرادنینگ ایتیشیچه، تروریستی گروه‌لرنینگ هجوم‌لریگه قره‌گنده اولر افغانستان تینچلیک لایحه‌سیگه ایشانمه‌یدی.
دوشنبه کون 3- حوت، کابل‌ده اوتکزیلگن خبری ییغینده سوزگه چیقگن جنرال مرادنینگ ایتیشیچه، افغانستان خلقی‌نینگ دشمن‌لری جاری قیش‌ده بار توانی بیلن مملکت امنیتی کوچلری‌نینگ برابریده اوروشگن و اولر شونده‌ی هجوم‌لریگه دوام بیره‌دیلر.
شونده‌ی حالده، افغانستان تینچلیک سوزلشوولری تورت تامانلمه اویغون گروهی‌نینگ سونگی اولتیریشی پاکستان، امیریکه و چین نماینده‌لری‌نینگ اشتراکی‌ده بوگون (سه شنبه) کابل‌ده اوتکزیلیشی‌گه قرار قیلینگن.
تینچلیک سوزلشوولری اویغون گروهی ایکی هفته آلدین، تینچلیک لایحه‌سی‌نینگ عملی ایشلری و باسقیچ‌لرینی بیللی قیله‌دیگن ریجه اوستیگه کیلیشگن ایدی. تشقی ایشلر وزیرلیگی رسمی‌لری‌نینگ ایتیشیچه، اوشبو گروه‌نینگ بوگونکی اولتیریشی‌ده طالب‌لر ارا اوتکزیله‌دیگن یوزمه یوز سوزلشوولر زمانی بیللی بولیشی ممکن.
عین حالده، حربی کوچلر اورین باسری جنرال مرادعلی مراد، افغانستان توپراغی‌نی ایریم قسمت‌لریده قرارگاه ایجاد ایتیلیشی‌نی امنیتی کوچلرنینگ کوچسیزلیگی بیلیب ایتیشیچه، دولت‌گه قرشی قوراللی عصیانچیلر کیله‌جک ییل کوکلم موسومی‌دن باشلب هجوم‌لرینی شدت‌لنتیره‌دی.
افغانستان توپراغیده پاکستان تامانیدن حربی قرارگاه قوریلیشی توغری‌سیده جنرال مرادنینگ ایتیشیچه، قرارگاه قوریلیشی ایکی مملکت اورته‌سیده‌گی ایشانچ‌نی اورته‌دن آلیب کیته‌دی و بو ایش ایکی مملکت‌نی هم منفعتی‌گه ایمس.
شونینگ‌دیک جنرال مرادنینگ ایتیشیچه، افغانستانده ینگی باش کوترگن داعش گروهی امنیتی کوچلر تامانیدن آغیر تلفات کورگن. اونگه کوره، اوشبو گروه‌نینگ یمان ایشلری افغانستان یشاوچیلری‌گه معلوم بولگن و خلق اوشبو گروه نابود ایتیلیشی اوچون امنیتی کوچلردن حمایت قیله‌دی.
