.jpg)
بوگون «جمعه» قندهار سابق پولیس قومندانی عبدالرازق اچکزینینگ جسدی، قندهار شهری نینگ مبارک کییم اطرافیده توپراققه قوییلدی.
جنرال عبدالرازق اوتگن کون«پنجشنبه» قندهار ولایت بناسیده یوزبیرگن آتیشمه نتیجهسیده هلاک بولدی.
افغانستان بوییچه آمریکه کوچلرینینگ عمومی قومندانی اسکات میلر اشتراکیده یول گه قوییلگن خوفسیزلیک کینگش یکونلهنیب و رسمیلر ولایت بناسیدن چیقهدیگن بیر چاغیده آتیشمه یوزبیرگن.
بوگون افغانستان ایچکی ایشلر وزیرلیگی مذکور حادثه توغریسیده 3 کیشی اوشلب آلینگنیدن خبر بیردی.
مملکت نینگ قوم و قبیلهلر بوییچه وزیری گلآغا شیرزی، مذکور قومندان توپراققه قوییلیشی مراسمیده اونینگ افغانستان اوچون کته ضایعه بیلیب ایتیشیچه، قندهار باریچه اونینگ خدمتلری ایسدن چیقمهیدی.
.jpg)
شونینگدیک، قندهار ولایتی اورین باسری حاجیآغا دستگیری، قندهارنینگ سابق پولیس قومندانی جنرال عبدالرازق هلاک بولیشی نی کوتیلمهگن بیر حادثه دیدی.
مذکور قومنداننینگ توپراققه قوییلیش مراسمیده، بویوکلر و قطار محلی رسمیلر موجود ایکن. اولرنینگ ایتیشلریچه، جنرال عبدالرازق نی وفاتیدن کیین، قندهار امنیتی خطرگه روپهرو بولگن و اوشبو ولایت نظمی بوزیلیشی ممکن.
عبدالرازق اچکزی طالباندن کیین قوریلگن دولتلرگه پاکستان و افغانستان چیگرهسیده قرار تاپگن سپین بولدک منطقهسیده، قندهارنینگ چیگره کوچلر قومندانی صفتیده ایش قیلگن و 2011- ییلده قندهارنینگ سابق قومندانی خانمحمد مجاهدنینگ وفاتیدن سونگ، مذکور ولایتنینگ پولیس قومندانی صفتیده تعیین ایتیلگن.
او، قندهارده نسبتن امنیت تأمینلش و طالباننینگ نابود ایتیشی باعث، تیزلیکده مملکتنینگ اینگ قدرتلی و محبوبلی سیماسی صفتیده اوزگردی.
