افغانستان بوییچه ناتو تشکیلاتی‌نی کیسکین حمایه‌وی کوچلری‌نینگ قومندانی جنرال جان نیکلسون، بوگون اوشبو مأموریت قومندانلیگی‌نی رسمی شکلده جنرال آستن سکات میلرگه تاپشیردی.
جناب نیکلسون، قویاش 1394- ییل‌نینگ دلو آیی‌دن بویان افغانستان بوییچه ناتو تشکیلاتی‌نی کیسکین حمایه‌وی کوچلری‌نینگ باش قومندانی ایدی.
جنرال جان نیکلسون‌نینگ ایتیشیچه، افغانستان اهالیسی سونگی 14 ییل‌ده یالغیز اوروش کورگن و اولر بو اوروش یکونله‌نیب و افغانستان باله‌لری قورقینچ دن اوزاق کته بولیش‌لرینی ایسته‌یدی.
افغانستان بوییچه ناتو تشکیلاتی‌نی کیسکین حمایه‌وی کوچلری‌نینگ سابق قومندانی‌نی کوپه‌یتیریشیچه، افغانستانده تینچلیک تأمین ایتیلگونگه‌قدر، اولر بو مملکت‌گه یاردم بیره‌دی و افغان امنیتی کوچلریدن حمایت قیلیش خصوصیده، چیت‌ایللیک امنیتی کوچلر، حربی ایش‌لری بوییچه مصلحتچی‌لر و حربی ایشلاوچیلر کوپه‌یتیریلیشی کیره‌ک.
جنرال جان نیکلسون‌نینگ اورنیده تعیین ایتیلگن جنرال اسکات گه خطاب ایتیشیچه، سیزنینگ تجربه و خلاقیت‌لرینگیز بو مأموریت‌نی یخشی بیر شکلده آلغه آلیب باریشینگیزگه یاردم بیره‌دی؛ چون سیز چیگل وضعیت‌ده ناتو کوچلری‌نینگ قومندانلیگی‌نی قولگه آله‌سیز.
بوگوندن باشلب، جنرال اسکات میلر، افغانستان بوییچه چیت‌ایللیک کوچلرنینگ ینگی قومندانی صفتیده، 14 مینگ امریکالیک عسکر و کمیده 6400 ناتو عسکری گه رهبرلیک قیله‌دی.
جناب میلرنینگ ایتیشیچه، افغانستان توپراغی عصیانچیلر اوچون تینچ ییر بولمه‌یدی و افغانستان‌نینگ اونگیده یخشی فرصت‌لر موجود.
اونینگ کوپه‌یتیریشیچه، افغانستانده همکارلری بیلن بیرگه اوروش یکونله‌نیشی اساسی ییچیم یول تاپیش اوچون سعی و حرکت قیله‌دی. چونکه افغانستانده تینچلیک تأمین‌لنیشی نه‌فقط بو مملکت‌نینگ اهالیسی‌نی ایسته‌گی، بلکیم بوتون دنیا خلقی‌نینگ ایسته‌گی دیر.
اونگه کوره، افغانستانده ناتو حضوری‌نینگ مقصدی آچیق دیر و بو تشکیلات افغانستانده تینچلیک تأمین‌لنیشی خصوصیده سعی و حرکت قیلگن و بو مملکت‌ده حضوری گه دوام بیره‌دی.
اوتگن 17 ییل جریانیده، اسکات میلر، امریکالیک 9- جنرال دیر کیم، افغانستانده چیت‌ایللیک کوچلرنینگ قومندانلیگی‌نی قولگه آله‌دی.
جناب میلر، عراق، سومالیا و بوسنیا مملکت‌لریده فعالیت قیلگنی گه قوشیمچه، بوندن آلدین نیچه مرته حربی مأموریت اوچون افغانستان گه کیلگن.
اسکات میلر، میلادی 2010- ییل‌ده افغانستان ملی و محلی پولیس کوچلری‌‌گه تعلیمات بیریب و جهازلنتیریش مأموریتی‌نی رهبرلیک قیلگن و اوندن سونگ، میلادی 2013- ییل‌نینگ جون آیی‌دن باشلب 2014- ییل‌نینگ جون آیی‌گچه افغانستانده جایلشگن امریکالیک خاص کوچلرنینگ قومندانی بولگن.
