جمهور رییس غنی‌نینگ ایتیشیچه، منطقه‌لیک تروریست‌لر، داعش گروهی، حقانی و «بیرقطار طالب‌لر» افغانستان دشمنی بولگن. ملی کینگش‌ده ایکی مجلس نماینده‌لری حضوریده سوزگه چیقگن جناب غنی‌نینگ پاکستان‌گه خطاب ایتیشیچه، بوندن کیین، مذکور مملکت قورال‌لی طالب‌لرنی مذاکره میزی اوستیگه تارتیش اوچون مسؤول ایمس؛ یا-ده اوشبو گروه‌نی اوز توپراغیده نابود ایته‌دی و یا-ده بیزلرگه رخصت بیره‌دی. اوزیمیز تروریست‌لرنی هر بیر ییرده بولسه نابود ایته‌میز.
ملی امنیت 10- ریاستی اوستیگه اویوشتیریلگن اوتگن هفته‌ده‌گی قانلی هجوم پاکستان‌ده ریجه‌لنگن ایکن، مسؤولیتی‌نی حقانی گروهی اوز ذیمه‌سیگه آلگن و بو واقعه‌ده اونلرچه کیشی هلاک بولیب و یره‌لندی، اوشبو واقعه جدی قرشی‌لیک‌لرگه سبب بولدی. یشاوچی‌لر و حکومت رسمی‌لریدن کوپینچه‌سی، جمهور رییس‌دن تروریستی گروه‌لر و پاکستان‌گه قرشی جواب بیریشینی سوره‌دیلر. شونینگ‌دیک، جمهور رییس‌نینگ، اوشبو سوزگه چیقیشی‌ده دشمن‌نی تعریف قیلیشی و دولت‌گه قرشی قورال‌لی عصیانچی‌لر برابریده موقفی‌نی معلوم قیلیشی‌گه قرار قیلینگن ایدی.
جناب غنی‌نینگ اورغولب ایتیشیچه، بوندن کیین، افغانستان امنیتی کوچلری، تروریست‌لرنی هر بیر ییرده و هر زمانده هدف قرار بیره‌دی. شونینگ‌دیک اونینگ ایتیشیچه، بوندن سونگ، کابل- اسلام‌آباد علاقه‌سی «حقوق و مسؤولیت‌لر» گه باغلیق بولیشی ممکن.
شونینگ‌دیک، جمهور رییس غنی‌نینگ بیرقطار محبوس‌لر دارگه آسیلیشی اوچون محکمه حکمی توغری‌سیده ایتیشیچه، صادر ایتیلگن حکم قطعی شکلده عمل‌گه آشیریله‌دی. جناب غنی، اوشبو موضوع‌نی اوتگن هفته یوزبیرگن واقعه‌دن کیین، حکومت بلندمرتبه‌لی رسمی‌لریدن بیرقطاری کابل‌ده حقانی گروهی‌گه تیگیشلی قطار محبوس‌لر دارگه آسیلیشی‌نی سوره‌گن بیرچاغده بیان ایتگن.
جناب غنی‌نینگ ایتیشیچه، پاکستان‌گه قرشی دیپلماتیک یول‌لردن فایده‌لنیب، بیرلشگن ملت‌لر تشکیلاتی‌گه شکایت قیلگن و بو مملکت‌نی جواب بیریش میزی اوستیگه تارته‌دی.
اونینگ ایتیشیچه، تینچلیک دروازه‌سی یاپیق ایمس و قورال‌لرینی ییرگه قویه‌دیگن‌لر اوچون، حکومت دروازه‌سی آچیق بولگن، بیراق اوروش‌دن قول تارتمه‌گن‌لر نابود ایتیله‌دی. غنی‌نینگ کوپه‌یتیریشیچه، حکومت بیرگن سوزلری‌گه صادق. قوشیمچه قیلیشیچه، ملی کینگش و تومن‌لر کینگشی سیلاولری تعیین ایتیلگن زمانده اوتکزیلیشی ممکن.
جمهور رییس، اوشبو سوزگه چیقیشی‌ده امنیتی کوچلرنی آلقیش‌لب ایتیشیچه، اوتگن بیر ییل‌ده مملکت بویلب 16 مینگ عملیات یولگه قوییلگن و حاضر امنیتی کوچلر مملکت‌نی 7 ولایتی‌ده حقانی ترماغی‌گه قرشی اوروشماقده.
