.jpg)
اداری فساد افغانستان ملی کوچلری اییچیدهگی اینگ کته قیینچیلیک. اروپا بیرلشمهسی نینگ افغانستاندهگی وکالتخانهسی، هفته – ساین اوتیشی بیلن افغان ملی پولیس کوچلرینینگ یوقاری مرتبهلی لوازملریده اداری فساد موجودلیگی خواطرلی دیگن.
بو پدیده ایسه تینچلیک و برقرارلیککه ایریشیش اوچون ییریک توسیق دیر. اوشبو بیرلشمه افغان ملی کوچلری ایچیدهگی اداری فسادنی اورگن تورتینچی و سونگی گزارشینی نشر قیلدی.
اروپا بیرلشمهسی نینگ افغانستاندهگی مخصوص نمایندهسی فرانز مایکل میلبن، ملی پولیس و ملی اردو صفیدهگی موجود فساد خواطرلی دیگن.
بو پدیدهگه قرشی کورهشیش اوچون حکومت امنیتی کوچلر بیلن آدیم مه آدیم عملده ایش قیلیشی ضرور دیگن.
اونینگ تعبیریچه، افغانستان امنیتی کوچلری نینگ قورال اسلحهسی جنگری طالبانگه ساتیلهدی. بو مساله ایسه قوراللی طالبلرنی کوچلهنیشیگه باعث بولهدی دیگن میلبن. شونینگدیک افغانستانده تینچلیک و برقرارلیک تامین بولیشی اوچون حکومت اداری فسادگه قرشی کورهشده جدی بولیشی اوستیده تاکید قیلگن او.
.jpg)
افغانستانده اروپا بیرلشمهسی نینگ مطبوعات مسوولی عبدالله یادگارنینگ سلاموطندارگه ایتیشیچه، ملی کوچلر ایچیدهگی فساد امنیتی کوچلرنینگ کوچ سیزلیگیگه سبب بولگن دیگن.
جناب یادگارگه کوره، افغان ملی کوچلری صفیده اداری فسادگه قرشی کورهش جدی شکلده آلغه آلیب باریلگن حالده، قوراللی طالبلرنینگ شکستیگه سبب بولهدی.
لیکن، افغانستان ملی مدافعه وزیرلیگی نینگ سوزلاوچیسی دولت وزیری، وزیرلیک ییریک فساد موجودلیگینی رد قیلیب، بو پدیده گه ضد جدی شکلده مبارزه دوام ایتماقده دیگن.
مملکت ایچکی ایشلر وزیرلیگی هنوزگچه بو خصوصده فکر بیلدیریشمهگن. اوتگن کون بیرلشگن ملتلر تشکیلاتی نینگ افغانستاندهگی وکالتخانهسی ینگی بیر گزارش نشر قیلیب، ییریک قیینچیلیکلرگه قرهمهی افغانستان رهبرلری فسادگه قرشی کورهشده موفقلر؛ لیکن، ملی کوچلر صفیدهگی فسادگه قرشی کورهش اوچون دییرلی اعتبار قرهتیلمهگن دیگن.
