جمهور رییس‌لیک سرایی‌نینگ فیسبوک صحیفه‌سی جمهور رییس غنی سوکیلیشی اوچون معین مکان. جمهور رییس غنی ایش‌لرینی یاقتیرمیدیگن اهالی یوره‌ک‌لری ایسته‌گن سوکیش‌لرنی مذکور صحیفه‌گه یازیش بیلن جمهور رییس‌گه ییتکیزه‌د‌یلر.
ساده بیر سوز بیلن خلاصه قیلگن‌ده جناب‌غنی بیر کون یا – ده بیر هفته‌ده مملکت اهالیسی تامانیدن نیچه سوکیش آله‌دی.سلام‌وطندارنینگ مذکور صحیفه‌دن قول‌گه کیرتگن حساباتی‌ده جمهور رییس‌غنی‌گه بیر هفته‌ده (29 سپتامبر دن 5 اکتبر)گه قدر 1500 گه یقین سوکیش حواله ایتیلگن.
توغری، جمهور و اونینگ حکومتی بوندن آرتیق سوکیش ایشیتیشی ممکن؛ چونکه مذکور حسابات ایسه 8 اکتبرده جمهور رییس‌لیک سرایی صحیفه‌سیدن آلینگن و بیز سونگی قیلگن مراجعتی‌میزده جمهور رییس‌لیک سرایی صحیفه‌سیده‌گی کوزه‌تیلگن سوکیش‌لرنینگ بیر قطاری یوق ایتیلگن لیگی اعتباریمیزنی جلب قیلدی.
باشقه تاماندن، جمهور رییس‌نینگ اوزیگه قره‌شلی شخصی فیسبوک صحیفه‌سی نینگ سوکیلیش بازاری قیزیق.
البته بو اورین‌ده سوکیلمس تنقدلر استثنا. اوشبو رقم‌گه کوره، جمهور رییس‌گه اوز انتقادلرینی سوکیش بیلن ارایه قیلگن‌لردن تشقری، فیسبوک ایشله‌تووچی 700نفر سوکمس‌دن جمهور رییس‌نی تنقید قیلگن و باشقه 250 کیشی ایسه اونینگ قیلگن ایش‌لری توغریسی‌ده فکر بیلدیرگن‌لر.
جمهور رییس‌لیک سرایی‌نینگ فیسبوک صحیفه‌سی بیر هفته‌ده 33 مطلب پست قیلگن، و مذکور موضوعلرگه ایسه 3089کیشی فکر بیلدیرگن. فکر بیلدیرگن اوشبو 3098کیشی‌دن یالغوز 101 نفری اوز فکرلریده جمهور رییس‌نی حمایت قیلگن‌لر.
مذکور موضوعلر مملکت شمال شرقیده جایلشگن قندوز ولایتی‌ده قورال‌لی طالب‌لر بیلن ملی کوچ‌لر اورته‌سیده یوز بیرگن توقنشوگه بغیشله‌نیب جمهور رییس‌لیک سرایی صحیفه‌سیگه نشر بولگن و فیسبوکچیلرنینگ کوپچیلیگی قندوز سقوط قیلیشی اوچون بیرینچی عامل جمهور رییس‌غنی ایکن‌لیگینی بیلدیرگن‌لر. شونینگ‌دیک فکر بیلدیرگن‌لر جمهور رییس‌دن علاوه ملی خوف‌سیزلیک مصلحتچی‌سی حنیف‌اتمر، ملی خوف‌سیزلیک عمومی رییسی رحمت‌الله نبیل، ایچکی ایش‌لر وزیری نورالحق علومی، ملی مدافعه زویرلیگی سرپرستی معصوم استانکزی و قندوز سابق والی‌سی عمرصافی‌نی سوکیب قتیق تنقید قیلگن‌لر.
بیلیم یورت استادی همده روان‌شناس روح‌ا‌لله رضوانی‌گه کوره، اجتماعی ترماق‌ده اهالی تامانیدن بیلدیرگن‌لر عکس العمل‌لرنی کورسه‌تیشیچه، خلق‌نینگ حکومت‌دن ناراضلیک درجه‌سی زوروانلیک چیگرهسیگه ییتگن. اونینگ سوزلریگه کوره، ناراضلیک بیلدیریب سوکیش زوروان‌لیک‌نی انگلته‌دی.
جمهور رییس‌غنی‌نینگ بیرگن وعده‌لریدن بیری، قندوز ولایتی‌ده ایشلریگه بی فرق یاندشگن رسمیلر تیزلیک‌ده محاکمه ایتیلیشی ایدی، فیسبوکچیلرنینگ کته قسمی ملی خوف‌سیزلیک باشقرمه‌سی رییسی و ایچکی ایش‌لر وزیری‌نینگ پارلمان اعضالریگه قندوزده عملیات اوتکزیش اوچون جمهور رییس‌غنی همده ملی خوف‌سیزلیک مصحلتچی‌سی حنیف‌اتمر تامانیدن رخصت بیریلمه‌گن‌لیگینی تیل‌گه آلگنی باره‌سیده اشاره قیلیب، جمهور رییس‌دن محاکمه و جزالتنیریش‌نی بیرینچی‌دن جمهور رییس‌لیک سرایی‌ده اوز اطرافی‌ده‌گی لردن باشلش‌نی سوره‌گن‌لر.
باشقه تاماندن، «طالب مجاهد» نامی‌ده بولگن ایریم فیس‌بوک‌چیلر جمهور رییس‌لیک سرایی تامانیدن یازیلگن موضوعلر آستی‌ده، طالبان‌گه عاید خبر، اعلامیه و موضع‌گرلیک‌لرنی نشر قیلگن.
اجراییه ریاستی
ملی بیرلیک حکومتی اجراییه رییسی عبدالله عبدالله هم اوشبو سوکیلیش‌دن بی نصیب قالمه‌گن. البته اجراییه ریاستی صحیفه‌سی‌نینگ اوقووچیلری سانی آز بولگن‌لیگی باعث جمهور رییس‌دن کمراق سوکیلگن. حاضر جمهور رییس‌لیک سرایی صحیفه‌سی‌نینگ 700 مینگ اوقووچیسی بار و اجراییه ریاستی صحیفه‌سی نی اوقیدیگنلر سانی 150مینگ‌گه یقین.
سونگی بیر هفته‌ده اجراییه ریاستی فیسبوک صحیفه‌سیده 18 موضوع ترقه‌تیلگن، بو موضوعلرگه 131کیشی فکر بیلدیرگن. فکر بیلدیرگن‌لردن 60 نفر اجراییه باشلیغی‌نی سوککن و 40 کیشی ایسه اونی تنقید ایتگن.
اوشبو رقم‌گه قره‌گن‌ده، اجتماعی ترماق اینیقسه فیسبوکچیلرنینگ کوپچیلیگی مملکت اهالیسی‌نینگ بیر قسمی صفتی‌ده ملی بیرلیک حکومتی فعالیتی‌دن ناراضلیک بیلدیرگن‌لر، کورینیشیچه مذکور نا راضلیک اولرنینگ سوکیلیش و زوروانلیک چیگرهسیگه تارتگن.
جناب رضوانی، اهالی مملکت‌ده‌گی جاری وضعیت اوچون توغریدن – توغری جمهور رییس‌نی مسؤول دیب بیله‌دیلر؛ اما کوپینیچه‌سی حل یول‌نی قدیریش اورنی‌ده، معمالر و قیین‌چیلیک‌لرنی تاپیش کیینیدن توشگنلر دیگن.
شونینگ‌دیک جناب رضوانی، جمهور رییس‌لیک سرایی و عمومن آلگن‌ده افغانستان حکومتی قیلمیش‌لری، موفقیت‌لری اوزقدرتی‌نی اهالی‌گه معلوم قیلیش‌ده ناکام بولگن دیگن. اونگه کوره، مملکت اهالیسی حکومت ناکاملیگی دلیلینی اورگه‌نیش اورنیگه، حکومت ایش‌لری نتیجه‌سی آرتیدن توشگن‌لیکلر باره‌سیده تاکیدله‌گن.
مذکور روان‌شناس، حاضرگی همده سابق حکومت‌لر افغانستان خلقی برابریده جوابگر بولمی عاموی فکرگه اونچه‌لیک اعتبار بیرمه‌گن، انه شو دلیل‌لر سبب حکومت‌دن اهالی‌نینگ رضایت میزانی جدی شکلده قویی توشگن.
اما، اجتماعی ترماق همده مدنی فعال باری سلام‌نینگ ایتیشیچه، افغانستان ملی بیرلیک حکومتی ایجاد قیلیشی بیلن، ینگی بیر سیاسی فازگه ایگه بولگن. اونگه‌کوره، حکومت‌نینگ قرشی‌سیده بولگن ایریم معمالر سابق حکومت‌دن میراث قالگن و قیین‌چیلیک‌لرنینگ باشقه بیر بولیمی ایسه جمهور رییس‌لیک سرایی بیلن سپیدار اورته‌سیده‌گی قرمه‌قرشی‌لیک‌لردن کیلیب چیقه‌دی و بو معمالر ایسه اهالی‌نی ملی بیرلیک حکومتی رهبرلریدن ناراض بولیش‌لریگه سبب بولگن .
شونینگ‌دیک جناب سلام، حاضرگی حکومت ینگی طرح ولایحه‌لربیلن یوزه‌گه کیلگن و بو برنامه‌لرنی عمل‌گه آشیریش بیر تاماندن همکارلیک‌که احتیاجی بار و باشقه تاماندن ایسه اوزاق زمان کوتهدی دیب معلوم قیلگن. او شوکبی، افغانستان‌نی حاضرگی ییریک معماسی امنیت دیگن.
بیراق، او افغانستان حاضرگی تیزیمیده‌گی اداره‌لر بیر- بیراوی بیلن باغلیق ینه هماهنگ ایمس‌لر و هر بیر شخص اوشبو تیزیم ایچی‌ده اوز منفعتی‌نی قیدیریش آرتیدن توشگن‌لیگی باره‌سیده اشاره قیلگن.
افغانستان دولت ملازملری قیله‌جک ایش‌لری اوچون اجتماعی ترماق‌لرنینگ ایجابی تاثیر بارلیگینی ایتگن مذکور مدنی فعال، حاضرده عمومی فکر آلدیده حکومت منبعی اجتماعی ترماق‌لر دیگن. جناب سلام، حکومت‌گه اجتماعی ترماق‌لر تشقریده نیمه وضعیت بارلیگی و اهالی فکرینی بیلدیریش اوچون معین بیر آدرس دیگن.
سلام‌وطندار اوشبو سوکیش‌لر باره‌سیده جمهور رییس‌لیک سرایی همده اجراییه ریاستی فکرینی اورگه‌نیش اوچون آلیب بارگن سعی وحرکتی نتیجه بیرمه‌گن. جمهور رییس سوزلاووچی‌سی‌نینگ اورین باسری بو حقده جواب بیریش اوچون دستلب وقت سوره‌گن؛ اما بیر کیچه – کندوزدن سونگ «تاسف» بیلن مذکور سوارقه جواب بیره آلمی میز دیگن.
اجراییه ریاستی سوزلاووچی‌سی‌نینگ اورین باسری آصف آشنا بیزنینگ بو توغریده بولگن سوراق‌لریمیزنی اجراییه باشلیغی سوزلاووچی‌سی رحیمی‌گه حواله قیلگن، دیمک جناب رحیمی ایسه تیلفونگه جواب قتیرمه‌گن. شونینگ‌دیک اجراییه باشلیغی سوزلاووچی‌سی اورین باسری جاوید فیصل سوراقلرنی تینگله‌گن‌دن کیین یریم ساعت وقت آلیب، کیین جواب بیریشدن باش تارتگن.
