.jpg)
افغانستان جمهور رییسی محمد اشرف غنی‌نینگ ایتیشیچه، او مملکت اوقوتووچی‌لری‌نینگ سیناویده مشروط قالگن و بو ییل اولردن کامیابلیک نمره آلیش‌گه امید بیلدیره‌دی.
بوگون (سه‌شنبه، 3- حمل) تعلیمی ییل باشله‌نیش مراسمی‌ده سوزگه چیقگن جناب غنی، مکتب قونغراغی‌نینگ سیسی‌نی مملکت‌ده برقرارلیک و تشبث بیانی بیلیب و اوقوتووچی‌لردن حاضرگی قیین شرایط‌ده مملکت فرزندلری‌گه تعلیم بیرگن‌لریدن منتدارلیک بیلدیردی.
جناب غنی، سیلاو کمپاینی جریانیده اوقوتووچی‌لرگه بیرگن وعده‌لرینی عمل‌گه آشیره‌آلمه‌گنی باعث، اوتگن ییل اوقوتووچی‌لرنینگ جدی تنقیدلریگه روپه‌ره بولدی. او، جمهورلیک ریاستی‌نی بیرینچی آلتی آیی‌ده اوقوتووچی‌لرگه ییر ترقه‌تیش خصوصیده وعده بیرگن ایدی.
جمهور رییس، بیرگن وعده‌لرینی عمل‌گه آشیریش خصوصیده ناکام‌لیگی‌نی قبول قیلیب ایتیشیچه، ییرلر غصب‌گه آلینگنی و شهرچه‌لر اوقوتووچی‌لرنینگ اوی‌لریدن اوزاقلیگی باعث، اولرگه ییر ترقته‌آلمه‌گن.
.jpg)
جناب غنی‌نینگ ایتیشیچه، حاضرگچه 36 مینگ جریب‌دن آرتیق جریب ییر غاصب‌لریدن قیته‌آلینگن و زوره‌وانلر تامانیدن غصب قیلینگن معارف وزیرلیگی‌نینگ ییرلری بیلن دولتی ییرلر تیزلیک‌ده قیته‌دن معارف وزیرلیگی‌گه تاپشیریلیشی ممکن.
دیمک او، اوقووچی‌لر مقداریدن خرسندلیک بیلدیردی؛ بیراق ایتیشیچه، افغانستان‌ده اورگه‌تیش و تربیه‌لش کیفیتی قویی دیر و اوقوو دستوری اساسی شکلده اوزگریشینی ایتگن.
شونینگ‌دیک جمهور رییس غنی، معارف وزیرلیگی‌نینگ تشکیلی کمه‌یتیریلیشی، تیزیمی توزه‌تیلیشی، اوقوتووچی‌لرنینگ تعیین ایتیش‌گه دقت قیلینیشی و مذکور وزیرلیک اداره‌لریده ایش آلغه‌آلیب باریلیشی خصوصیده، اویغونلیک ایجاد ایتیلیشی اوستیگه تأکیدله‌دی.
عین حالده، معارف وزیری اسدالله حنیف بلخی، مذکور وزیرلیک‌نی بیش ییل‌لیک ریجه‌سی یکونلنگنی‌دن خبر بیریب کوپه‌یتیریشیچه، قویاش 1395- ییل درسی اوچون 22 میلیون درسی کتاب چاپ قیلینگن و بو کتاب‌لر اوقووچی‌لرگه ترقه‌تیله‌دی.
شونینگ‌دیک اونینگ ایتیشیچه، « جاری ییل ده بیر میلیون و 107 مینگ ینگی شاگرد معارف‌گه جذب ایتیله‌دی و بو جمله‌دن 41 فایزی‌نی عیال‌لر تشکیل بیره‌دی.»
معارف وزیری‌نینگ ایتیشیچه، بو ییل 800 اوقووچی‌نی حرفه‌یی تعلیمات اورگه‌نیش اوچون هند و تاجیکستان مملکت‌لریگه یوباره‌دی.
دیمک، 590 اورگه‌تیش مرکز، 387 مکتب، 168 دینی مدرسه، 24 فنی و مسلکی مرکز و 11 معلم تربیه‌لش مرکز قوریلیشی جاری قویاش ییل‌ده معارف وزیرلیگی‌نینگ باشقه لایحه‌لریدن دییله‌دی.
عین حالده، معارف وزیرلیگی‌نینگ رسمی‌لری، جاری ییل مملکت اوقوتووچی‌لری و اوقووچیلرنینگ سانی دقیق شکلده بیللی بولیشی خصوصیده سعی و حرکت‌لر دوام ایته‌یاتگنینی ایتگن.
