جمهور رییس بویروغی اساسیده، روزه بیره‌م هییت مناسبتی‌ده، پل‌چرخی تورمه خانه‌سیدن قوییب یوباریلگن محبوسلرنینگ ایتیشیچه، جمهور رییس‌نینک کیچیریم بویروغی‌گه، بای و واسطه‌لی محبوسلر شامل بوله‌دی.
سه‌شنبه کون، کابل پل‌چرخی قماق‌خانه‌سیدن تورمه مدتی آلتی الی اون ییل بولگن 103 محبوس روزه بیره‌م هییت مناسبتی‌ده، جمهور رییس بویروغی اساسیده، قوییب یوباریلدی.
قوییب یوباریلگن محبوسلردن بیرقطاری میدیا حضوریده ادعاقیلیشیچه، پول و واسطه‌سی بولمه‌گن کیشی‌لرنینگ دوسیه‌لری تیکشیریلمه‌یدی.
اوشبو محبوسلرنینگ ایتیشیچه، پول‌سیز و واسطه‌سیز محبوسلر تقدیر سیزلیک‌ده حیات کیچیره‌دی و دوسیه‌لری آیلر بوییچه تیکشیریلمه‌یدی.
بیراق، ایرکین‌لیکنی سلب ایتیش محل‌لر تیکشیروچی باشلیغی عزیز احمد سرباز، محبوسلر ادعاسی‌نی رد قیلیب ایتیشیچه، جمهور رییس بویروغی‌گه شامل محبوسلر لایحه‌سی تیکشیریلیشی، اولرنینگ معلوماتی اساسیده عمل‌گه آشیریلگن.
باشقه تاماندن، مذکور محبوسلردن بیرقطاری‌نینگ ایتیشیچه، تورمه خانه‌ده اولرنینگ وضعیتی‌گه دقت قیلینمه‌یدی و تورمه خانه ایچیده، محبوسلر اوچون بنگی‌وارماده ترقه‌تیله‌دی.
اوشبو محبوسلرنینگ کوپه‌یتیریشیچه، اولرنینگ ایچیده بنگی‌لر سانی کوپیگن و بنگی محبوسلر اوچون، قولی صورتده بنگی‌وارماده تیارلنه‌دی.
ایرکین‌لیکنی سلب ایتیش محل‌لر تیکشیروچی باشلیغی، تورمه خانه ایچیده، بنگی کیشی‌لر بارلیگینی قبول ایته‌دی. اونینگ ایتیشیچه، کوپینچه محبوسلر، قماق‌خانه کیلیشی‌دن آلدین بنگی‌وارماده‌گه چالینگن‌لر.
شونینگ‌دیک، مرکزی قماق‌خانه باشلیغی سردارمحمد زازی، قماق‌خانه ایچیده، بنگی کیشی‌لر بارلیگینی قبول ایته‌دی، اونینگ ایتیشیچه، بو کیشی‌لر ایلگریدن بنگی‌وارماده‌گه چالینگن‌لر.
شونده‌ی بیرحالده، قماق‌خانه ایچیده، بنگی‌لرنی دارولش مرکزی ایجاد ایتیلگن.
کابل پل‌چرخی تورمه خانه مسؤول‌لری‌نینگ رقمی‌گه کوره، شوحاضر 80 مینگ‌دن آشه‌راق کیشی ایریم جرم‌لرگه عیب‌لنیب بو تورمه خانه‌ده حبس‌گه آلینگن.
