تفتیش عالی ادارهسی نینگ مسووللری، جاری قویاش ییل عادی بودجهسی صرفلنمهگن 95% مدافعه و ایچکی ایشلر وزیرلیگیگه تیگیشلی ایکن لیگینی ایته دیلر. بو ایکی وزیرلیک نینگ صرف ایتیلمهگن عادی بودجه سی 48 میلیارد 433میلیون افغانی بولگن.
تفتیش عالی ادارهسی نینگ اورین باسری سیدمحمدمهدی حسینی بوگون (سهشنبه) قویاش 1394- ییل قطعیه مالی حسابیگه عاید گزارشنی نشر قیلیش پیتده ایتیشیچه، بو ییل عادی بودجهسی 284 میلیارد افغانی بولگن بوندن فقط 235 میلیاردی صرفلنگن. اونینگ ایتیشیچه، 48 میلیارد 433 میلیون افغانیدن مدافعه وزیرلیگی 32 میلیارد افغانی و ایچکی ایشلر وزیرلیگی ایسه 14 میلیار افغانی مصرفده قیسقه قیلگنلر.
جناب حسینی، قویاش 1394- ییل بوتون ترقیات بودجهسی 132 میلیارد 79 میلیون افغانی بولگن، فقط 82 میلیاردی افغانیسی وزیرلیکلر و دولت ادارهلری تامانیدن صرفلنگن دیگن.
تفتیش ادارهسی نینگ معلوماتی اساسیده، قویاش 1394- ییل بودجهسی 436 و 172 میلیون افغانی بولگن بونگه 283 میلیارد 486 میلیون عادی بودجه و 153 میلیارد 68 میلیونی ایسه ترقیات بودجه دن عبارت بولگن.
