بغلان ولایتینینگ محلی مسؤوللری، اوچ ییلدن بیری مذکور ولایتده ایریم لایحهلرده 169 میلیون دالر صرفلنگن دیگنلر؛ اما ولایت کینگشینینگ بعضی نمایندهلری اوشبو لایحهلرنینگ کوپینچهسی خیالی دیب، پروژهلر پولی حیف و میل بولگنلیگنی ایتگنلر.
بغلان ولایتی اداری و مالی رییسی عبدالحی سجادنینگ ایتیشیچه، تورلی پروژهلردن عبارت 187 برنامهنینگ پولی ولایت نینگ14 منطقهسیده صرفلنگن. جناب سجاد، اوشبو لایحهلر حکومت ادارهلر قوشیمچه مکتبلر، شفاخانهلر و خیابانلردن عبارت دیگن.
ایتیلیشچه، مذکور برنامهنینگ خرجتی تورلی تشکیلاتلر جملهدن «ای ایف، دبیلو، آرسیدی ایف، جی آیزید و پی آر تی» تامانیدن تولنگن.
بیراق، ولایت کینگشینینگ نمایندهسی شمسالحقنینگ سلام وطندارگه معلوم قیلیشیچه، مذکور لایحهلرنی عملگه آشیریلیشی شفاف ایمس، او ولایتنینگ نمایندهسی صفتیده اوشبو مبلغ اورینلی صرفلنگن لیگینی تن آلمیدی.
شونینگدیک ایریم ایشبیلرمانلرگه کوره، تشکیلاتلر تامانیدن یاردم ایتیلگن کومکلر بارهسیده دولت بی فرق قالمیسلیگی شرط. اولرنینگ سوزلریگه کوره، لایحهلر خلقنینگ احتیاجی اساسیده عملی ایتیلیشی ضرور.
بغلان بیلیم یورتی اقتصاد فاکولتهسینینگ رییسی عبدالسمیع وفا، مذکور پوللر شفاف صورتده صرفلنگن – ده ایدی، اهالی قیینچیلیگینینگ بیر قسمی برطرف ایتیلردی دیگن. جناب وفا، اوشبو لایحهلر تطبیق ایتیلگنده بغلان اهالیسینینگ حیاتیگه ایجابی اوزگریش کیلیشی ممکن ایدی دیگن.
اوتگن نیچه ییلده خلق ارا تشکیلاتلر همکارلیگی بیلن سانسیز لایحهلر عملگه آشیریلگنی ایتیلهدی؛ اما مذکور لایحهلر اجرا ایتیلیشی اوچون سالم نظارت بولمهگنی، حکومت ادارهلرینی فسادگه عیبلنگنی، لایحهلر صفتسیز روشده مسووللر تامانیدن عملگه آشیریلیشی باعث پروژهلرنینک کوپچیلیگی ایجابی نتیجه بیرمهگن. باشقه تاماندن کون ساین اوتیشی بیلن اهالی حکومتگه بولگن ایشانچینی قولدن بیرماقده.
