جمهور رییسغنی امریکه کانگرسیده قیلگن نطق سوزیده، یخشی حکومتچیلیک، قاچقینلر میزانی قیسقرتیریلیشی، 13ییلدهگی یوتوقلر سقلهنیب قالیشی، برقرارلیک تامین ایتیلیشی و فسادگه قرشی کورهشیش قیلهجک ایلک ایشلریدن ایکن لیگینی تیلگه آلدی.
عیاللر تعلیم و تربیهسی توغریسیده اشاره قیلگن غنی، میلادی 2001- ییلده هیچ بیر افغانستانلیک قیز مکتب کیتمسدی؛ بیراق، حاضر 3 میلیون قیز مکتب بارهدی دیگن.
جمهور رییسغنی حکومتنینگ اجراییه باشلیغی داکتر عبدالله عبدالله بیلن بیر ییرده حکومت و حاکمیت پایهلر مستحکم لهنیشی اوچون اداری فسادگه قرشی کورهشیشنی ایتگن.
اونینگ ایتیشیچه، ملی بیرلیک حکومتی قرهشیدن، اسلام تینچلیک دینی و بیز دنیا و منطقه بویلب جواب بیریشگه تیار.
شونینگدیک جمهور رییسغنی گپلری دامیده افغانستان انسان حق و حقوقلریدن حمایت قیلیشی توغریسیده وعده بیریب، عدلی و قضایی ادارهلرگه اصلاحات کیرتیشنی بیلدیرگن.
ایریم ایش بیلرمانلرگه کوره، حاضرگی حکومت فساد آلدینی آلمسه و دولت ایچیدن مافیانی یوق ایتمسه، سابقدهگی کبی رسمی کابل بیلن واشنگتن نینگ علاقهسی اوزیلیب، امریکه نینگ کورستهجک یاردملری اساسی ساحهلرگه صرفلنمیدی.
جمهور رییس سوزلری بارهسیده شک شبهه بیلدیرگن محمد اسحاق اتمرگه کوره، افغانستان وضعیتینی یخشی کورسهتیش اوچون جمهور رییس غنی واقعیتلرگه اوزاق بولگن مساله لرنی تیلگه آلگن.
اتمر، بیز قیلیشگه موفق بوله آلمهگن نرسهلر اوچون دنیا جماعه چیلیگیگه سوز بیرمس لیگیمیز کیرهک دیدی.
عین حالده، سیاسی تحلیلچی جنرال غلامحسین هزارنینگ سوزلریگه قرهگنده، حاضرگی حکومت سابق حکومت ایشلریدن درس آلیب و اونینگ تجربهلریدن فایده لهنیشی کیرهک.
تحلیلچیلرنینگ ایتیشیچه، مملکت سابق جمهور رییسی حامدکرزی زمانیده امریکه چمهسی 107 میلیارد اقش دالری افغانستان حکومتیگه یاردم کورستدی؛ اما، اوشبو کومکلر مناسب ییرگه صرفلنمهدی.
بو جناب غنینینگ مملکت رهبری صفتیده امریکهگه قیلگن ایلک سفری.
دنیا عاموی اخبارات واسطهلری غنینینگ رسمی تشریف بیلن واشنگتنگه باریشی ایکّی مملکت علاقهسی یخشی لهنیشی و ینه امریکهنینگ افغانستانگه کورستهدیگن همکارلیگی اوچون ینگی بیر صحیفه بولیشینی یاروتدیلر.
