اولکه جمهور رییسی محمد اشرف غنی نینگ ایتیشیچه، اولکه اساسی ثباتی ایکینچیلیک وایه گه ایتیشمه گن بیرحالده، مصون، فعال و خودکفا افغانستانگه ایگه بولیشیمیز قیین.
جناب غنی کابلده، خلق ارا ایکینچیلیک و افغانستان تولیدات کورگیزمه سی و ایکینچیلر ییلی اداغیده خلق ارا قیشلاق عیاللری ناملی مراسمده چیقیش قیلیب ایتیشیچه، مصونیتلردن بیری، آذوقه مصونیتی دیر و بوگون افغانستان یشاوچیلری آذوقه مصونیتی دن خبرلری یوق. اونگه کوره، ایکینچیلر ایشی، افغانستان یشاوچیلری نینگ آذوقه مصونیتی بیلن یقینلشتیریشگه یاردم بیره دی.
بو اوچ کونلیک ایکینچیلیک و عیاللر قول صناعتی محصولاتی اوچون اولکه 34 ولایتیدن 200 دن آشه غرفه کورگیزمه ده قولیگن. بو محصولاتلر ایکینچیلیک و چارواچیلیک وزیرلیگی کوپراتیف تامانیدن 155 ایکینچیلیک شرکت و عیاللرگه تیگیشلی 17 قول صناعتی شرکتلری توپلنگن.
جمهور رییس غنی نینگ ایتیشیچه، افغانستان ایکینچلیگی بیش عنصردن تشکیل تاپگن، سوو، ییر، تخم، بیر ایکینچی امکاناتی بولگنده، ایکینچی و ایشچی ایسه باشقه بولیملری دیر- برچه سی جدی قیینچیلیک بیلن روپه ره دیر.
جناب غنی گه کوره، شو حاضر افغانستان سوویدن 40 فایزی اوزباش شکلیده کیته دی و کیله سی تورت ییلگه افغانستان سووینی تنظیم قیله من دیب وعده بیرگن.
شونینگدیک غنی اوتمیشدن کوره ایکیله دیگن ییرلر افغانستان بویلب آزه یگن دیدی.
اونگه کوره، شو حاضر افغانستان ایکینچیلریدن 10 فایزی اصلاح بولگن تخم دن استفاده قیله دیلرو ایکینچیلیک وزیرلیگی اصلاح بولگن تخم کوپه یشی اوچون باید ییچیش یوللرینی قیدیرسه لر.
جمهور رییس افغانستانده ایکینچیلیک اولغه یشی، جدی توجه قیلیشگه نیازی بار دیب تأکید قیله دی. اونگه کوره، ایکینچیلیک بولیمی اولغه یشی اوچون باید افغانستان ایچیده ایکینچی و مصرف قیله دیگنلر بیر بیراولریگه قوشیلیب ایکینچلیک صنعتی و ساتیش بولیمی گه دقت بولسه.
جمهور رییس نینگ ایتیشیچه، افغانستان دولتی بیر «وارد قیله دیگن ایکینچیلیک» اولکه دن بیر «صادر قیله دیگن ایکینچیلیک» تامان بارماقده.
شونینگدیک عنی ایچکی تولیداتلرگه تأکید قیلدی و حاضرگه قدر افغانستان دولتی ایچکی تولیداتلر اولغه یشی اوچون تدارکاتلرده استفاده قیلمه گن دیدی. اونینگ ایتیشیچه، کیله سی ایکی ییلگه قدر دولتی اردو و پولیس کوچلری نینگ کوپلب مصرفرینی ایچکی تولیداتلردن تأمین قیلماقده.
اوشونینگدیک دولت عیاللر قول صعنتی اوسیشی اوچون بازاریابلیک قیله دی دیگن. اونینگ ایتیشیچه، شو حاضر افغانستان ایکینچیلری محصولاتی صادر بولیشی اوچون کوپلب توسیق لر بار و مالیه و سوداگرلیک وزیرلریگه کیله سی 100 کونلیک ایشلری دوامیده بو توسیقلرنی کوتریش یولینی قیدیریش بویروغینی بیردی.
ایکینچیلیک و چارواچیلیک وزیری اسدالله ضمیر خلق ارا 15- ایکینچیلیک کورگیزمه سی آچیلیش مراسمیده اتیشیچه، اوشبو ییلده افغانستان ایکینچیلیک تولیداتلری کوزگه کورینرلی رشد قیلگن و اولکه ایکینچیلری ایریم یوتوقلرگه قول تاپگنلر.
جناب ضمیرنینگ ایتیشیچه، بوکورگیزمه یولگه قویلیشی دن هدف، سوداگرلرگه ایکینچیلیک محصولاتلرنی تانیتیش و سوداگرلر بیلن ایکینچیلر رابطه سی یخشی لنیشی عنوان بوله دی.
اونینگ کوپه یتیریشیچه، محصولات ترقیاتی و اوسیشی اوچون ایکینچیلرگه یخشی زمینه یره تیب، یخشی نتیجه آلیش و ایکینچیلیک بولیمیده تحقیق اوتکزیش یوللرینی قیدیریب کیلماقده لر.
ایکینچیلیک و چارواچیلیک وزیری نینگ ایتیشیچه، ایکینچیلیک محصولاتی باغله نیشی و آلغه یشی اوچون بازارلرده یخشی یوللر قیدیریش و جدی توجه قیلیش مذکور وزیرلیک مهم ایشلریدن ایکن.
گزارشلرگه قره گنده، افغانستان یشاوچیلریدن 80 فایزی ایکینچیلیک ایشلری بیلن مصروف لر؛ بیراق ینه هم بو اولکه ایکینچیلیک محصولاتی صادر قیلیش حالتیده قالگن. جمهور رییس نینگ ایتیشیچه، اولر بوییل 600 مینگ تُن بوغدای تولید قیلیشگه مجبور ایکنلر.
