افغانستان حکومتی جمهورلیک سرایی‌ده بیر برنامه یولگه قوییب، میلادی 11- عصرده بولگن تانیقلی صوفی خواجه عبدالله انصاری و خراسان تأریخی‌ده تانیقلی عیال گوهرشاد بیگم‌نینگ فعالیت‌لریدن ایسله‌گن.
اوشبو برنامه‌ده جمهور رئیس محمداشرف غنی، خواجه عبدالله انصاری و خانم گوهرشاد بیگم‌نینگ ایش‌لرینی آلقیش‌لب ایتیشیچه، تیموری معمارلیک اسلوبی افغانستان مهندسلیگی و ملی اسلوب صفتیده تیکشیریله‌دی.
او، احمدشاه درانی حکومتی بیلن اساسی قوییلیب و ابدالی‌لر خانه‌دانی آرقه‌لی باشلنگن سونگی 3 عصرگه کنایه سوزبی بیلن اشاره قیلیب ایتیشیچه، تیموری‌لرنینگ دورانی‌نی سونگی 3 عصر بیلن قیاسلب بولمه‌یدی.
صاحب قران تیمورنینگ اوغلی شاهرخ میرزانینگ تورموش اورتاغی و غیاث‌الدین ترخان‌نینگ قیزی گوهرشاد بیگم، تیموری خانه‌دان‌نینگ اساسچیسی ایدی. اوندن خراسان تأریخی‌نینگ برجسته عیاللریدن بیری صفتیده ایسلنه‌دی.
گوهرشاد بیگم صنعت، مدنیت و مهندس‌لیک‌که کوپ قیزیقگنی باعث، تیموری مهندسلیک اسلوبی گه تانیلگن ایدی.
گوهرشاد بیگم، میلادی 15- عصر ده هرات ده حیات کیچیرردی و 80 یاشیده تیموری‌لرنینگ عایله‌وی جنجل‌لری نتیجه‌سیده ظهیرالدین محمدبابرنینگ باباسی سلطان ابوسعیدنینگ بویروغی بیلن اولدیریلدی.
جمهورلیک سرایی‌ده یولگه قوییلگن برنامه‌ده هرات بیلیم یورتی‌ده فارسی تیل و ادبیات فاکولته‌سینی باشلیغی غنی خسروی‌نینگ ایتیشیچه، گوهرشاد بیگم دنیا تأریخی‌نینگ برجسته عیاللریدن دیر.
خسروی گه کوره، گوهرشاد بیگم دن قالگن ایستده‌لیک‌لر و اورنک‌لر دنیانینگ عجایب آبده‌لریدن سنله‌دی.
بیراق، تیموری معمارلیک اسلوبی نیمه دیر؟
اجتماعی تدقیقات‌لر تدقیقاتچیسی و مهندس عتیق اروندنینگ سلام‌وطندارگه ایتیشیچه، اوشبو اسلوب خراسانلیک معمارلیگی صفتیده تانیلگن و بو اسلامی و ساسانی اسلوبی‌دن الهام آلگن و بو ایکی اسلوب، تلفیقی و تکاملی دیر.
اروندگه کوره، تیموری معمارلیک اسلوبی‌دن تأریخی و نمایشی بنالر قوریلیشی اوچون فایده‌لنیب بوله‌دی؛ بیراق اولتیریش اویلر قوریلیشی‌ده فایده‌لنیب بولمه‌یدی.
باشقه تاماندن، جمهور رئیس تامانیدن بیریلگن بویروغ اساسیده، خواجه عبدالله انصاری و گوهرشاد بیگم نینگ آت‌لریگه مدال توزه‌له‌دی.
جمهور رئیس‌نینگ اورغولشیچه، تیموری‌لرنینگ دوره‌سیدن قالگن تأریخی آبده‌لرنی سقلش و رویخط‌گه آلیش اوچون بیر هیأت تعیین ایتیله‌دی و حکومت تیموری‌لرنینگ دوره‌سیدن قالگن تأریخی آبده‌لرنی رویخط‌گه آلیب یونسکوده افغانستان‌نینگ مدنی میراثی صفتیده ایزله‌یدی.
شونینگدیک، افغانستان و اوزبیکستان‌نینگ آره‌سیده گوهرشاد بیگم‌نینگ توغریسیده تاشکینت‌ده قوشمه بیر ییغین یولگه قوییلیشی خصوصیده، قرار قیلینگن.
