افغانستان جمهور رئیسی محمداشرف غنی نینگ ایتیشیچه، مملکت‌ده اورگتیش و تربیه‌لش صفتی گه جدی شکلده دقت قیلینمه‌گن و اورگتیش و تربیه‌لش نصابی ده اروپا و آمریکانینگ 19- و 20- عصر نصابی تکرار قیلینمه‌سی کیره‌ک.
جمهور رئیس گه کوره، مکتب‌لرنینگ فنی قیین‌چیلیک‌لری کیله‌جک ییل‌لر جریانیده حل بوله‌دی؛ بیراق اورگتیش و تربیه‌لش صفتی یوقاری کیتیشی اوچون 21- عصر شرایطی گه ماس ریجه تیارلنیشی لازم.
جمهور رئیس نینگ ایتیشیچه، یخشی تعلیمات مملکت ده برقرارلیک تأمین‌لنیشی و یوقاری ظرفیت‌لی انسانی کوچ تربیه‌لنیشی گه سبب بوله‌دی.
غنی نینگ کوپه‌یتیریشیچه، مملکت بویلب قوریلیشی گه قرار قیلینگن 6 مینگ مکتب دن 2700 مکتب نی قوریلیش ایشی باشلنگن و قالگن مکتب‌لر قوریلیشی اوچون جاری ییل‌ده بودجه اختصاص بیریله‌دی.
جمهور رئیس گه کوره، قویاش جاری ییل‌ده هم 11 مینگ اوقیتووچی تعیین ایتیله‌دی.
شو توغریده…
فاریاب ده کوچی عایله‌لرنینگ باله‌لریدن مینگ‌لرچه‌سی اوقیش‌دن محروم قالگن
جوزجانده مخدره ماده ساتووچی‌لری عیاللر و باله‌لردن فایده‌لنه‌دی
فراه؛ قیزلرگه خاص بیر مکتب اوتگه تارتیلگن
عین حالده، مملکت معارف وزیرلیگی‌نی سرپرستی میرویس بلخی نینگ ایتیشیچه، اوشبو وزیرلیک‌ده ظرفیت‌سازلیک دوام ایتماقده و اورگتیش و تربیه‌لش صفتی یوقاری بولیشی و تشکیلات گه اصلاحات کیریتیلیشی خصوصیده کوپینچه ایشلر قیلینگن.
بلخی گه کوره، بو وزیرلیک نینگ بوتون فعالیت‌لری اورگتیش و تربیه‌لش گه قره‌تیلگن.
اونینگ ایتیشیچه، شهادتنامه‌لرنی الکترونیکی قیلیش جریانی باشلنگن و معارف وزیرلیگی جاری ییل‌ده معارف بوییچه سرپرستلیک تیزیمی گه نقطه قوییش اوچون سعی و حرکت قیله‌دی.
مملکت ده ینگی تعلیمی ییل باشلنگن بیرچاغده، مملکت باله‌لریدن کوپینچه‌سی اورگتیش و تربیه‌لش گه قول تاپیش دن محروم قالگن‌لر و مکتب گه قول تاپگن اوقووچی‌لر هم کتاب یوقلیگی و ناتینچلیک‌دن شکایت قیله‌دیلر.
