مینگلب قاچقین پاکستاندن قندهارگه قیتگن. بولر تیریکچیلیکلری وضعیتیدن شکایت قیلگنلر. قاچقینلر، هنوزگچه ولایت قاچقینلر ایشلری بوییچه اداره همده بیر قنچه نا دولت تشکیلاتلر طرفیدن رویخطگه آلینگنلر؛ لیکن، هنوزگچه بو ادارهلر تامانیدن هیچ قندهی کومک قولگه کیریتمهگن لیگلرینی بیلدیرگنلر.
افغانستان و پاکستان اورتهسیده چیگره مسالهسیگه عاید ترهنگلیکلر وجودگه کیلگندن سونگ، پاکستان تامانی مملکتیده یشش چپتهسینینگ وقتی تولگن یا – ده هنوز گچه رسمی چپته قولگه کیریتمهگن افغانستانلیک مجاهرلرنی هیدهب چیقاریشگه باشلهدی. بو مسالهدن کیین افغانستانلیک تورت مینگ قاچقین سپین بولدیک یولی بیلن اوز لرینی قندهارگه ییتکزیشگنلر.
کویته نینگ پشتون آباد اردوگاهیدن قیتگن ایکّی خانهدان نینگ حکایهسیگه کوره، آواره بولگنلرگه همکارلیک قیلیش اوچون آلیب باریلگن سعی وحرکتلر هنوزگچه ایجابی نتیجه بیرمهگن. اولر، حکومت ینه نا دولت ادارهلردن تیزلیکده انسان پرورلیک یاردم کومک قیلیشنی طلب ایتگنلر.
قاچقینلر مسالهسی بوییچه ادارهنینگ رسمیلری، پاکستاندن قندهارگه کیلگن مهاجرلر کته قیینچلیکلر بیلن روپه ره ایکنلیکلرینی تصدیقله گنلر. اما، قوللریدن بیرار – بیر کومک قیلیش کیلمس لیگینی تَن آلگنلر.
قندهار مهاجرلر ایشلری بوییچه ادارهنینگ باشلیغی محمد حسین ثبات سلاموطندارگه، بو ادارهلر فقط قاچقینلرنی رویخطگه آلیشده بعضی نا دولت ادارهلرگه همکارلیک قیله دیلر و کومکلرنی ییتکزیب بیریش اوچون مسوولیتلرب بولمهگنلیگینی تیلگه آلگنلر.
جناب ثبات سوزلریگه کوره، بیر قنچه خانهدانلر بو اداره همکارلیگی بیلن بعضی بیر ولایت لرگه ییکزیله دیلر.
بوندن آلدین پاکستان ملی امنیت مصلحتچیسی سرتاج عزیز، نیچه کون آلدین افغانستانلیک قاچقینلر بو مملکت نابرقرارلیگیگه سبب بولگن دیب، بولر چیقاریشینی ایتگن ایدی. سرتاج عزیزنینگ بو اظهارتلریدن کیین پاکستان پولیسی یوزلب مهاجرنی بو مملکتدن هیدهب چیقاریشگه باشلهدی.
