جمهورلیک ریاستی نامزدلر کینگشی نینگ ایتیشیچه، شفاف‌سیز آوازلر نتیجه‌سینی قبول قیلمه‌یدیلر و سیلاو ایرکین کمیسیونی نینگ سیلاو نتیجه‌سینی شفاف شکلده اعلان قیلیشی کیره‌ک.
بوگون "پنجشنبه" اوشبو کینگش اعضالری، کابلده خبری بیر ییغین آرقه‌لی، آوازلرنینگ سنه‌لیشی خصوصیده بولگن قیین‌چیلیک‌لردن خواطر بیلدیریب و سیلاو ایرکین کمیسیونی‌دن بوتوغریده دقت قیلیشی‌نی سوره‌گنلر.
اولرنینگ ایتیشیچه، دیجیتلی معلومات مرکزی نینگ قفلی‌نی سیندیرگن‌لرنینگ عدلی و قضایی نهادلرگه تانیتیلیشی کیره‌ک.
اوشبو کینگش اعضالریگه کوره، سیلاو تیم‌لریدن بیری معلوماتی مرکز قفلی‌نی سیندیریب سیستم‌گه کیرگن و مذکور تیم ناتوغری شکلده اوز منفعتی‌گه فعالیت قیلگن و موضوعی جدی شکلده تیکشیریلیشی کیره‌ک.
جمهورلیک ریاستی نامزدلریدن بیری شهاب حکیمی نینگ ایتیشیچه، آوازلرنی سنه‌ش لایحه‌سی سیلاو نینگ اساسی مرحله‌لریدن بیری دیر و قدرت‌گه شریک بولگن ایکی تیم بو لایحه‌دن ناتوغری شکلده فایده‌لنه‌دی.
جناب حکیمی، خلق ارا جماعه‌سیدن، بوتوغریده دقت قیلیشی‌نی سوره‌گن.
جمهورلیک ریاستی نامزدلریدن باشقه بیری عنایت‌الله حفیظ نینگ ایتیشیچه، سیلاوده کینگ شکلده ساخته‌کارلیک یوز بیرگن، بیراق آوازلر سنه‌لیشی خصوصیده جدی صورتده دقت قیلینیشی کیره‌ک.
اونینگ ایتیشیچه، ولایت‌لرنینگ آوازلری بوتون نامزدلرنینگ نظارتچی‌لری حضوریده سنه‌لسین.
جناب حفیظ گه کوره، کورینیشیچه، حاکم تیم‌لر قدرت‌گه قاله‌دی و اینه بیرمرته ایکی باش‌لیک حکومت ایجاد ایتیلیش احتمالی بار. او خلق ارا جماعه‌سیدن بو ایش‌گه توسیق بولیشی‌نی سوره‌گن.
جمهورلیک ریاستی سیلاوی نینگ دستلبکی نتیجه‌سینی 27 میزانده اعلان ایتیلیشی ممکن ایدی، بیراق توخته‌تیلدی.
