سیلاو ایرکین کمیسیونی مسووللری نینگ ایتیشیچه، جمهورلیک ریاستی سیلاوی‌نینگ دستلبکی نتیجه‌سی بوگون "شنبه" (27 میزان) اعلان ایتیلیشی ممکن ایدی، بیراق توخته‌تیلگن.
سیلاو ایرکین کمیسیونی سوزلاوچیسی میرزا محمد حق‌پرست نینگ میدیالرگه ایتیشیچه، بایومتریک‌لی آوازلرنی تفکیک قیلیش زمان آله‌دی و انه‌شو سبب، سیلاو دستلبکی نتیجه‌سی اعلان ایتیلیشی توخته‌تیلگن.
سیلاو دستلبکی نتیجه‌سی نینگ تعیین ایتلگن تاریخده اعلان ایتیلمه‌گنی بیرقطار خواطرلرنی اورتگه چیقارگن. ییقینلیک و برقرارلیک و دولت قوروچی سیلاو تیم‌لری بو توغریده اعتراض بیلدیرگنلر.
عین‌حالده، سیلاو ایرکین کمیسیونی نینگ ایتیشیچه، سیلاو دستلبکی نتیجه‌سی اعلان ایتیلیشی نینگ توخته‌تیلیشی اوشبو کمیسیون برنامه‌لریگه تاثیر قویه‌دی.
بو بیرینچی مرته ایمس‌که سیلاو نتیجه‌سی تعیین ایتیلگن زمانده اعلان ایتیلمه‌یدی، بلکیم 2014- ییل جمهورلیک ریاستی سیلاوی نینگ نتیجه‌سی نینگ اعلان ایتیلیشی 1 ییل توخته‌تیلگن ایدی.
