بوگون «شنبه» گلبدین حکمتیار، احمدولی مسعود و رحمت‌الله نبیل، رسمی شکلده جمهورلیک ریاستی سیلاوی‌نینگ نامزدلری صفتیده رویخط‌گه آلیندیلر.
اسلامی حزب رهبری گلبدین حکمتیار، اسلامی بیلیم تدقیقاتچیسی فضل‌الهادی وزین و قاضی حفیظ‌الرحمان نقی‌لرنینگ بیرینچی و ایکینچی اورین باسرلری صفتیده تانیشتیرگن.
حکمتیار، حاضرگی تیزیم‌نی کوچسیز و فاسد بیلیب ایتیشیچه، تیزیم‌نی اساسی قانون بویوک‌لر جرگه‌سینی یولگه قوییب اوزگرتیره‌دی؛ بیراق صدارتی و فدرالی تیزیم توزه‌تیش اوچون سعی و حرکت قیلمه‌یدی.
اونینگ ایتیشیچه، حاضرگی تیزیم مملکت‌ده اوروش دوامی گه سبب بولگن و حکومت ایسه مملکت‌ده تینچلیک تأمین‌لنیشی اوچون هیچ بیر ایش قیلمه‌گن.
احمدشاه مسعود قوریلمه‌سینی باشلیغی احمدولی مسعود، عالی اوقوو وزیرلیگی‌نی سابق وزیری فریده مومندنینگ بیرینچی اورین باسری صفتیده و غرجستان خصوصی بیلیم یورتی‌نی باشلیغی لطیف نظری‌نینگ ایکینچی اورین باسری صفتیده تانیشتیرگن.
مسعودنینگ ایتیشیچه، مملکت‌ده ریاستی تیزیم ناکام بولگن و اونینگ اصلی مقصدی ریاستی تیزیم‌نی صدارتی گه اوزگرتیریش بولگن.
اونینگ برنامه‌لری فسادگه قرشی کوره‌ش، عدالت‌نی عمل‌گه آشیریش، تینگ شکلده قدرت و ثروت‌نی ترقه‌تیش و بویوک‌لر جرگه‌سینی یولگه قوییش دیر.
شونینگدیک، افغانستان بوییچه محور مردم آتلی حزب باشلیغی رحمت‌الله نبیل، کابل گارنیزیونی‌نینگ سابق قومندانی مرادعلی مرادنینگ بیرینچی اورین باسری و مسعوده جلال‌نینگ ایکینچی اورین باسری صفتیده تنله‌گن.
نبیل‌نینگ ایتیشیچه، تیزیم تشکیلاتی‌نی اوزگرتیریش اوچون حقوقی و قانونی یوللرنی ایزله‌یدی و بو ایش اوچون اساسی قانون گه اصلاحات کیریتیش کمیسیون ایجاد قیله‌دی.
اونگه کوره، بو تیرمه جماعه کیشی‌لرنینگ اورنی گه اداره‌لرنی اوستیگه سرمایه یاتقیزه‌دی و تینچلیک کیلتیریش اوچون بیرینچی‌دن تیزیم‌گه بیشینچی ستون کوچلری گه قرشی کوره‌شه‌دی.
اوشبو کیشی‌لر رویخط‌گه آلینگنیدن سونگ، جمهورلیک ریاستی سیلاوی‌نینگ نامزدلری 10 کیشی گه ییتیشدی.
ایریم ترقه‌تیلگن گزارشلر اساسیده، ایرته جمهور رئیس محمداشرف غنی و شونینگدیک، اجراییه باشلیغی عبدالله عبدالله، اورین‌لری بیلن بیرگه کیله‌جک ییل جمهورلیک ریاستی سیلاوی‌نینگ نامزدلری صفتیده رویخط‌گه آلینه‌دی.
جمهورلیک ریاستی سیلاوی‌نینگ نامزدلرینی رویخط‌گه آلیش جریانی 13- جدی ده باشلندی و ایرته نامزدلر رویخط‌گه آلینیشی اوچون سونگی کون دیر.
