بوگون (یکشنبه 17- قوس) مملکت جمهوررئیسی محمداشرف غنی «استانبول-آسیا یوره‌گی» ییغینی پروسه‌سیده اشتراک ایتیش اوچون ترکیه تامان یول آلدی.
جمهوررئیس‌لیک سرایی بیر خبرنامه ترقه‌تیب ایتیشیچه، جمهوررئیس «استانبول-آسیا یوره‌گی» ییغینی پروسه‌سیده اشتراک ایتیش و نطق سوزلش گه علاوه، ترکیه رسمی‌لریدن قطاری بیلن اوچره‌شی ممکن.
«استانبول-آسیا یوره‌گی» ییغینی پروسه‌سی نینگ دستلبکی باسقیچی بوگون یولگه قوییله‌دی و ایرته بو ییغینده جمهوررئیس غنی نینگ نطق سوزله‌شی گه قرار قیلینگن.
تشقی ایشلر وزیرلیگی نینگ ایتیشیچه، اوشبو ییغین نینگ اصلی محوری افغانستان تینچلیگی دیر و شونینگدیک ترورچی گروه‌لرگه قرشی کوره‌ش و منطقوی اقتصادی همکارلیکلر کینگه‌یتیریلیشی حقیده بحث قیلینیشی ممکن.
«آسیا یوره‌گی» ییغینی میلادی 2011- ییل‌ده ترکیه پایتختی استانبول ده یولگه قوییلدی. مذکور تشکیلات قوریلیشیدن مقصد اوشبو تشکیلات گه اعضا مملکتلر آره‌سیده ایشانچ قوریش و تروروچیلیک و مخدره ماده گه قرشی کوره‌ش خصوصیده مذکور مملکتلرنینگ قوشمه همکارلیک قیلیش‌لری دییلگن.
