افغانستان بوییچه اداری فسادگه قرشی کورهش بوییچه تیکشیریش و نظارت قیلیش مستقل قوشمه کمیتهسی، ملی کینگش نینگ 16- دوری نمایندهلری نینگ فعالیتلری، کمچیلیکلری، قانوندن باش تارتیشلری و باشقه موضوعلری توغریسیده بولگن گزارشینی نشر قیلدی.
بو گزارشده کینگش اعضالری نینگ قانوندن باش تارتیشلری، حکومت ایشلریدن نظارت قیلیشلری، ظرفیتسیزلیکلری، اداری فساد، قانونلرنی ریجهلش و تصدیقلش چاغیده مسؤول ادارهلر و مدنی جماعهچیلیک اعضالری نینگ توشونچهلری توغریسیده دقت سیزلیک قیلگنلری، حکومت بیلن 16- دور نمایندهلری نینگ جنجللری و باشقه موضوعلر بحث گه آلینگن.
اداری فسادگه قرشی کورهش بوییچه تیکشیریش و نظارت قیلیش مستقل قوشمه کمیته باشلیغی میوند روحانی نینگ ایتیشیچه، ملی کینگش نینگ نظارتی جریانی هم کوپینچه قیینچیلیکلر بیلن بیرگه ایکن و نمایندهلر کینگشی اعضالری، ایریم پیتلر وزیرلرنی استیضاح قیلیشدن سوءاستعمال قیلیشگن. شونینگدیک، باشقه بیر موضوع گه کوره، 16- دور نمایندهلری وظیفهلرینی یخشی بیر شکلده عمل گه آشیرمهگنلر.
اونگه کوره، ملی کینگش نینگ 16- دور نمایندهلری تأثیرچن شکلده نظارت قیلمهگنی باعث، وزیرلردن بیرقطاری 3 سرپرست قالگن و شونینگدیک، 16- دور نمایندهلریدن بیرقطاری، دولتی امکانیتلردن سوءاستعمال قیلیشگن.
اداری فسادگه قرشی کورهش بوییچه تیکشیریش و نظارت قیلیش مستقل قوشمه کمیتهنی حقوقی مصلحتچیسی رستم پیمان نینگ ایتیشیچه، ملی کینگش نینگ تورلی بولیملریده بولگن قیینچیلیکلر و کمچیلیکلر رفع ایتیلیشی اوچون بو گزارش بیلن بیرگه 42 تکلیف هم تیارلنگن و اولردن اینگ اونملیلری قانون ریجهلنیشی توغریسیده مدنی ادارهلر و حقوقدانلر بیلن مصلحت قیلیش دیر.
اونینگ ایتیشیچه، مذکور اداره ملی کینگش اعضالری نینگ حقوقی کوپهییشینی تکلیف قیلگن، چونکه اولرنینگ مهمانلری کوپ دیر.
اداری فسادگه قرشی کورهش بوییچه تیکشیریش و نظارت قیلیش مستقل قوشمه کمیته نینگ گزارشیده ملی کینگش نینگ 16- دوری ده 48 کمچیلیک و قانوندن باش تارتیش قضیه کیریتیلگن و 42 تکلیف هم اونگه شامل بولهدی.
