مملکت‌ده بیرینچی مرته سمنت ایشلب چیقارگن فابریکه‌لردن بیری جبل‌السراج سمنت فابریکه‌سی بوندن آلتمیش ییل آلدین پروان ولایتی‌نینگ جبل‌السراج تومنی‌ده تاسیس ایتیلگن ایدی. مذکور فابریکه اوشه زمان چکسلواکیا مملکتی آرقه‌لی قوریلگن، اما افغانستان‌ده‌گی اوروش و نابرقرارلیک‌لر سبب بو فابریکه 20 ییل دن بیری ایش‌دن قالگن ایدی.
افغانستان پترولیم و کان‌لر وزیرلیگی‌نینگ اورین باسری عبدالقدوس حمیدی نینگ اوشبو فابریکه قیته‌دن ایش‌گه باشله‌گن‌لیگی مناسبتی بیلن اوتکزیلگن ییغین‌ده ایتیشیچه، مذکور فابریکه یانیده باشقه بیر سمنت ایشلب چیقاروچی فابریکه تاسیس ایتلیشی کوتیله‌دی. تاسیس ایتیله دیگن فابریکه کته مقدارده سمنت ایشلیب چقاریش قابلیتی‌گه ایگه ایکن‌لیگی تاکیدلنه‌دی.
عین حالده، پروان ولایتی‌نینگ والی‌سی محمد عاصم عاصم، جبل‌السراج سمنت فابریکه‌سی قیته دن ایش‌گه توشیریلیب فعالیت قیلیشی افغانستان حکومتی‌نینگ اقتصادی سیاستی اوچون ییریک اهیمتی باره دیگن. شونینگ دیک او، مذکور فابریکه ایش‌گه باشله‌شی بیلن مملکت ده آست قورمه لایحه‌لر عملی بولیشی اوچون یول آچه‌دی دییه تاکید قیلگن.
باشقه تاماندن پروان ولایت کینگشی‌نینگ باشلیغی غلام بهاوالدین جیلانی‌نینگ سوزلریگه قره‌گنده، جبل‌السراج سمنت فابریکه‌سی قیته‌دن آچیلیشی افغانستان‌نی اوز ایاغی‌گه توره آلیشی اوچون ییریک بیربشارت دیر.
جبل‌السراج سمنت فابریکه‌سی 150 ایشلاوچی فعالیت قیلیشی بیلن 24 ساعت ده یوز تُن سمنت ایشلب چیقاریشی نظرده توتیلگن. رسمیلرگه کوره، ارزان نرخ‌گه ساتیله دیگن اوشبو سمنت تشقی مملکت‌لردن کیلتیریله دیگن سمنت‌لردن هم کوره صفت‌لی بولگن لیگی اوستی‌ده تاکیدله گن‌لر.
