باشی کیسیلگن یولاوچی‌لر جسدینی خوش قرشیلش اوچون ییغیلگن غزنی ولایتی جاغوری ولسوال‌لیگی‌نینگ یشاوچی‌لری، سابق جمهور رییس‌نینگ ایکینچی اورین باسری محمدکریم خلیلی و اجراییه ریاستی اداره‌سی‌نینگ ایکینچی اورین باسری محمد محقق نماینده‌لریگه سوزلش اوچون رخصت بیرمه‌گن‌لر.
اوشبو یولاوچی‌لرنینگ جسدی اوتکن کون (جمعه) جمهور رییس‌نینگ ایکینچی اورین باسری سروردانش و اجراییه ریاستی باشلیغی محمد محقق اشتراکی بیلن اوچاقلر آرقه‌لی کابل‌دن جاغوری و او ییردن ایسه توغیلگن قیشلاقلریگه ییتکزیلدی.
بلاغت‌گه ییتمه‌گن گودک بیر قیز، ایکی عیال و تورت ایرکک‌دن عبارت مذکور یولاوچی‌لر نیچه آی قماقنی اوتکزگندن کیین نهایت اوتگن هفته دوشنبه جنگری طالب‌لر تامانیدن زابل ولایتی‌ده باشی کیسیلیب اولدیریلدی.
کیین بولرنینگ جنازه‌سی زابل‌دن غزنی و اوییردن کابل‌گه آلیب کیلیندی. کابل‌نینگ مینگلب اهالیسی چهارشنبه کون باشی کیسیلگن یولاوچی‌لر جسدی کابل دشت برچی «شهیدمرازی مصلی»سیدن جمهور رییس‌لیک سرایی یقینی «پشتونستان چهار راهه‌سیگه» آلیب باردی‌لر.
اعتراضچی‌لر مذکور یولاوچی‌لر تقدیری اوچون حکومتنی بی فرق‌لیککه عیبله‌گن‌لر.
محمد محقق صورت‌لرینی کوتارگن یشاوچی‌لر ینه بیر مرته حکومتنی تفاوت‌سیزلیککه همده رهبرلریگه قرشی شعار بیرگن‌لر.
جاغوریلیک مدنی فعال محمدیونس صمیم‌نینگ سلام‌وطندارگه ایتیشیچه، حکومت‌دن اهالی جاغوری یوللری امنیتی تامین ایتیلیشی اوچون جدی اعتبار قره‌تیشی‌نی سوره‌یدیلر.
جناب صمیم اوشبو ییریک نمایش‌ده یالغوز افغانستان ملی اردوسی قوشمه کوچلری مرکزی اورین باسری جنرال مرادعلی مرادگه حکومت تعزیه پیامینی اوقیشگه رخصت بیریلگن دیگن.
مراد، اهالی‌گه اوشبو ولایت عمومی یوللری امنیتی تامین قیلینیشی توغریسیده وعده بیرگن؛ اما خلیلی نماینده‌سی محمدعبده و محقق نماینده‌سی عباس بصیرگه صحبت قیلیش اوچون رخصت بیریلمهگن رخصتی بیرمه‌گن‌لر.
یولاوچی‌لر جسدینی توپراققه تاپشیریش مناسبتی بیلن اوتکزیلگن ییغین‌ده اشتراک قیلیب نطق سوزله‌گن غزنی ولایت ولایتی کینگش‌ینیگ نماینده‌سی فاطمه رحمی‌گه کوره، حکومت تفاوت‌سیزلیککه دوام بیرگن حالده، اهالی بوندن آرتیق هم حکومت‌دن ایشانچلرینی قولدن بیره‌دی.
خانم رحمی‌گه کوره، جاغوری‌نینگ نابرقرار یولی نیچه ییلدن بیری اهالیدن قربان آله‌دی، لیکن بو مساله اوچون حکومت هنوز هم اعتبار بیرمه‌گن.
او، حکومت‌نینگ بی‌فرقلیگی سبب اوتگن بیر ییلدن بیری مذکور یول‌ده طالب‌لر آدم اوغیرلیککه قول اورگن دیگن.
کابل‌ده اوتکزیلگن ییریک نمایش‌ده اعتراضچیلردن ایریملری جمهور رییس‌لیک سرایی‌گه باستیریب کیریش اوچون سعی و حرکت قیلگن بیر چاغده جمهو رییس‌لیک سرایی قوریقچی‌لری‌نینگ هواگه قره‌ته اوق اوزیشی‌گه روپه ره بولیب، نتیجه‌ده اون کیشی یره‌لندی.
اوشبو اعتراض اوتکزیش‌نی پلان‌لشتیرگن‌لرگه کوره، هیچ بیر ایستک‌لری حکومت تامانیدن تَن آلینمه‌گن، اعتراضچی‌لر نماینده‌لیگیده حکومت بیلن اوچره‌شگن‌لر هیچ بیری اصلی اعتراضچی‌لر نماینده‌سی ایمس بلکه سرور دانش و محمد محقق‌نینگ نماینده‌سی حسابلنه‌دی.
