بوگون «دوشنبه» کابلده خبری ییغین یولگه قویگن کنر، ننگرهار، لغمان و نورستان ولایتلریدن ملی کینگشده بولگن نمایندهلردن بیرقطاری، مذکور ولایتلرده ناتینچلیک کوپهیگنیدن خواطر بیلدیرگنلر.
نمایندهلر کینگشی اعضاسی عصمتالله شینوارینینگ ایتیشیچه، مذکور ولایتلرنینگ امنیتی گه دقت قیلینمهگن صورتده، ناتینچلیک کابل و باشقه ولایتلرگه کینگهییشی ممکن.
شونینگدیک، نمایندهلر کینگشیده ننگرهار اهالیسینی نمایندهسی حضرت علینینگ ایشانچی گه کوره، ننگرهاردهگی حاضرگی اوروش نمایشی دیر. داعش مرکزلری شهرلرگه انتقال بیریلگن و بو ولایتده 20 ترورچی گروه فعالیت قیلهدی؛ بیراق حکومت اولرگه توسیق بولمهیدی.
لیکن، مدافعه وزیرلیگی سوزلاوچیسینی اورین باسری محمد رادمنشنینگ ایتیشیچه، بوتون مملکتده امنیتی کوچلرنینگ عملیاتی دوام ایتماقده. جناب رادمنش گه کوره، شرقی ولایتلرنینگ امنیتی وضعیتی امنیتی کوچلرنینگ نظارتیده دیر، بیراق ملی کینگش اعضالری، امنیتی کوچلردن حمایت قیلیشی کیرهک.
شرقی ولایتلرنینگ نمایندهلری، ترقهتیلگن گزارشلر اساسیده، اوتگن ایکی آی جریانیده ننگرهار ولایتی 40 پارتلش هجوم گه گواه بولیب و نتیجهده 200 تینچ اهالی هلاک و باشقه 600 تهسی یرهلنگن بیرچاغده، مذکور ولایتلرده ناتینچلیک کوپهیگنیدن خواطر بیلدیرگنلر.
