مملکت کانلر و پطرولیم وزیرلیگی مسووللری «طبیعی منبعلر مدیریتی» مصلحتی کینگشینی ایجاد ایتکن. ایتیلیشیچه، بو کینگش ملی بایلیک مدیریتی یخشی لنیشی اوچون اهالی نظریهلریدن ایش آلینیب منبعلر مدیریتی ایجابی نتیجه بیریشیگه مصلحت بیریش اوچون ایجاد ایتیلگن.
مملکت کانلر و پطرولیم وزیری نینگ 24- جوزا اوشبو کینگشنی بیرینچی ییغینیده ایتیشیچه، منبعلر مدیریتی کینگشی، اقتصادی ایش بیلرمانلر، کانلر، نفت و گاز متخصصلری، حقوق دانلر، مدنی فعاللر، تحلیلچیلر، بیلیم یورت استادلری و نمایندهلر کینگشی طبیعی منبعلر کمیسیون اعضالیگیگه آلینگنلر.
جناب صبا نینگ ایتیشیچه، بو کینگش هر اوچ آیده بیر ییغین اوتکزیب، منبعلر سقلهنیشی اوچون اهالی فکری اساسیده چاره تدبیر کورهدی.
کانلر و پطرولیم وزیریگه کوره، متخصصلر قابلیتی آشیریلیشی، کانلرنی قازیب چیقاریش اوچون چیگل تکنالوژی و ییریک سرمایه گه ایریشیش اساسی عنصرلردن بولیب، افغانستان بونی قولگه کیریتکن صورتده صنعت و اقتصاد ساحهسیده رواجلهنیشگه گواه بولهدی.
حرکت حزبی رهبری و اوشبو کینگشنی اعضاسیدن بیری سیدمحمدعلی جاویدگه کوره، اقتصادی مملکت لرنی رواجلهنیشی اوچون اصلی عامل کانلر و قیمتلی تاشلر دیر. جناب جاوید، افغانستان طبیعی منبع لرگه بای مملکت، بیراق حاضرگه قدر بو منبعلردن فایدهلهنیش اوچون دییرلی ایش وفعالیت بولمهگن دیگن.
بوندن آلدین هم کانلر و پطرولیم وزیری، یوزکونلیک برنامهسینی بیان ایتیش چاغیده بو توغریده ایش قیلیش اوچون شوندهی بیر کینگش ایجاد ایتیلیشیدن خبر بیرگن ایدی.
