هلمند ولایت محلی رسمیلرینینگ سلاموطندارگه ایتیشلریچه، داعش نینگ «سلیمان شاه» ناملی بلند مرتبهلی قوماندانلریدن بیری تورت یولداشی بیلن افغانستان ملی کوچلری آرقهلی اولدیریلگن.
هلمند ولایت عاموی اخبارات واسطهلری مسؤولی شاه محمودآشنا، اوروش اوتگن کون چهار شنبه هلمند ولایتی کجکی ولسواللیگینینگ «لوی مانده» منطقهسیده یوز بیرگنلیگینی ایتگن.
ایتیلیشیچه، داعش گروهی ملی کوچلر پوستهلریدن بیرینی هجوم استیگه آلگندن یوز بیرگنی تصدیقلندی. اوروشده افغان ملی کوچلریگه زیان ییتمهگن. اما داعش گروهی اوشبو اوروشده قوماندانی داخل حربیلری اولدیریلگنی بارهسیده مدیاگه بیرار نرسه دیمهگن.
بوندن آلدین هم داعش نینگ قوماندانلریدن بیری عبدالرؤوف خادم هم امیریکه نینگ اوچوچیسیز باشقریلهدیگن حربی طیارهلری عملیاتی نتیجهسیده اولدیریلگن ایدی. شونینگدیک بوندن ایکی آی آلدین ننگرهار ولایتی نینگ اچین، غنیخیل و شینواری ولسواللیکلریده خلق ارا کوچلری نینگ هوا دن اوتکزگن عملیاتی عاقبتیده داعشگه قرشلی قوماندانیلر جملهدن گلزمان، جهادیار و مولوی شاهدالله شاهد اولدیریلگن ایدی.
شاهدالله شاهد، داعش رهبری ابوبکر بغدادی دن بعیت بیلدیرگن بیرینچی کیشیلردن بولیب، خراسان والیسی صفتیده تعینلنگن ایدی. ایتیلیشیچه، او «شیخ مقبول» نامی بیلن شهرت قازانگن. جناب شاهد داعش حرکتیگه قوشیلمسدن آلدین، طالبلر حرکتینینگ سوزلاووچیسی اولهراق وظیفه بجرگن.
افغانستانده داعش گروهی تاپیلیشی بیلن امنیتی رسمیلر مذکور گروهگه قرشی کورهشیش اوچون مخصوص حربی قطعه تشکیل ایتیشگه اولگورگنلر. مذکور حربی گروه اوتمیش اوچ کوندن بیری ننگرهار ولایتینینگ ایریم منطقهلریده داعشگه قرشی فعالیت آلیب بارهدی.
