گزارشلرگه کوره، بوگون "دوشنبه" افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد قطر باشکنتی دوحه شهریده طالبان نماینده‌لری بیلن اوچره‌شه‌دی.
پاکستان تشقی ایشلر وزیری شاه‌محمد قرشی نینگ بو مملکت میدیاللریگه ایتیشیچه، بوگون "دوشنبه" زلمی خلیلزاد نینگ طالبان نماینده‌لری بیلن مذاکره قیلیشی ممکن.
اونینگ ایتیشیچه، آمریکا و طالبان گروهی آره‌سیده بولگن تینچلیک سوزلشوولر قطار قیین‌چیلیک بیلن روپه‌ره بولگن؛ بیراق پاکستان بو سوزلشوولرنینگ نتیجه بیریشی‌نی ایسته‌یدی.
طالبان گروهی‌نینگ سابق مقام‌لریدن بیری وحید مژده نینگ سلام‌وطندارگه ایتیشیچه، جناب خلیلزادنی طالبان گروهی نینگ نماینده‌لری بیلن اوچره‌شوویده افغانستان دولتی نماینده‌لرینی تینچلیک سوزلشوولرده اشتراک قیلیشی توغریسیده صحبت قیلیشی ممکن.
شوتوغریده…
- عبدالله تینچلیک مصلحتی قورولتای نی تحریم قیلدی
تینچلیک سوزلشوولری توغریسیده حکومت و طالبان توشونچه‌لری ماس کیلمه‌یدی
جناب مژده گه کوره، افغانستان حکومتی و طالبان گروهی تامانیدن بهاری عملیات باشله‌نیشی آمریکا و طالبان گروهی آره‌سیده بولگن تینچلیک سوزلشوولرنی قیین‌چیلیک بیلن روپه‌ره قیلگن.
وحید مژده نینگ ایتیشیچه، اوشبو اوچره‌شووده آتیشمه کمه‌یشی و آتیش‌کیسین خصوصیده صحبت ایتیله‌دی.
حکومت سوزلاوچی‌لری، زلمی خلیلزاد و طالبان نماینده‌لری نینگ قطرده اوچره‌شووی توغریسیده صحبت قیلمهیدی.
