تینچلیک و برابرلیک تیمی رهبری حنیف اتمر مزارشریف وضعیتی گه حکومت نی مسئول بیلیب و حکومت نینگ اوشبو ولایت پولیس قومندانی اوزگریش خصوصیده آلگن قراری نی «سیاسی-سیلاوی» دیدی.
جناب اتمر بیر خبری ییغین اوتکزیب ایتیشیچه، جمهورلیک ریاستی نینگ بلخ ولایتیده عسکر یوباریشی «کیرهکسیز و عقلسیز» بیر ایش بولگن.
جناب اتمر گه کوره، اورته گه کیلگن وضعیت دشمن نینگ فایدهسیگه دیر و دشمنلر بو وضعیتدن فایدهلنیب کینگ فعالیت گه قول اوریشلری ممکن. حنیف اتمرنینگ ایتیشیچه، عطامحمد نور و خوفسیزلیک کوچلری آرهسیدگی قرمهقرشیلیکلر قومی ایمس.
تینچلیک و برابرلیک تیمی رهبری گه کوره، اولرنینگ بلخ ده یوزبیرگن قرمهقرشیلیکلرنی آلدی نی آلیش اوچون قیلگن حرکتلری نتیجه بیرمهگن و نهایتده حکومت نینگ ادعا قیلیشیچه، اَچیق حرکتدن فایدهلنمهگن، «حجتلر بو ادعالرگه قرشی دیر.»
او، آتیشمه تامانلریدن خویشتندارلیک کورسهتیشلرینی سورهگن.
جناب اتمر حکومتدن آلگن قراری گه اوزگریش کیتیریب و اوشبو قرمهقرشیلیکلر حل بولیشی اوچون سوزلشوولر یولیدن اقدام قیلیشی نی سورهگن.
اونگه کوره، کوپ وقتدن بویان تینچلیک و برابرلیک تیمی اعضالری نینگ حذف قیلیش اوچون حرکتلر باشلنگن و شونینگدیک شهید مزاری مصلاسی اوستیگه اویوشتیریلگن هجوم بلخ حادثهسیگه تیگیشلی دیر.
شو توغریده:
بلخده حربی تیارگرلیک؛ شهر تعطیل ایتیلگن
عطامحمد نور طرفدارلری و امنیتی کوچلر آرهسیده، آتیشمه یوز بیرگن
جناب اتمرنینگ اورغولشیچه، حاضرگی حکومت ایرکین و عدالتلی سیلاونی یولگه قوییش گه کوچسیز دیر و جوزا آیی نینگ 1- کونیده حکومت تاریخی یکونلنهدی.
حنیف اتمر نینگ ایتیشیچه، بلخ تارتیشوولری دوام تاپگن صورتده، بوتون قانونی گزینهلردن قولهنیشلری ممکن.
بوگون "پنجشنبه" مزارشریف شهری حربی وضعیتنی اوزیگه آلیب و یشاوچیلرنی خواطرلنتیرگن ایدی. افغانستان حکومتی محمدرقیب مبارز نی بلخ پولیس قومندانی صفتیده تعیین قیلگن بیر حالده، بلخ سابق حاکمی عطامحمد نورنینگ طرفدارلری حکومت قراریگه قرشی کیلیب، امنیتی کوچلر بیلن اوروشگنلر. عطامحمد نورنینگ طرفدالریگه کوره، اوشبو چوکی گه کیشی نینگ تعیین ایتیش عطامحمد نورنینگ سهمی و بوینیگه ایکن.
