افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد ایکی کون آلدین پاکستان‌گه سفر قیلگن ایدی. اونینگ ایتیشیچه، پاکستان تشقی ایشلر وزیری شاه‌محمود قریشی، باش وزیری عمران خان و ملی اردو باش قومندانی قمرجاوید باجوه بیلن اوچره‌شیب افغانستان تینچلیک لایحه‌سی خصوصیده صحبت قیلگن.
جناب خلیلزادنینگ توییتر صحیفه‌سیده یازیشیچه، «تینچلیک تامین ایتیلیشی خصوصیده افغانستان و پاکستان نینگ توپراق‌لریدن بیربیراولریگه قرشی فایده‌لنمسلیگی خصوصیده ضمانت بیریش‌لری اونملی دیر.»
افغانستان تینچلیک لایحه‌سی بوییچه آمریکا خاص نماینده‌سی نینگ کوپه‌یتیریشیچه، شونده‌ی ضمانت‌لر و افغانستانلیک‌لر ارا سوزلشوولر منطقه اقتصادی نینگ یخشی‌لنیشی‌گه سبب بوله‌دی.
جناب خلیلزاد نینگ ایتیشیچه، اسلام‌آباد ده بولگن چاغیده پاکستان یوقاری مرتبه‌لی رسمی‌لری بیلن افغانستان تینچلیک سوزلشوولری خصوصیده صحبت قیلگن.
عین‌حالده، آمریکا نینگ پاکستانده‌گی ایلچی‌خانه‌سی نینگ بیرخبرنامه آرقه‌لی ایتیشیچه، زلمی خلیلزاد پاکستان‌لیک رسمی‌لر بیلن اوچره‌شوویده، افغانستانده تینچلیک تامین ایتیلیشی خصوصیده پاکستان و افغانستان نینگ ضمانت‌لرینی اونملی عنوان قیلگن.
خلیلزاد، اسلام‌آباد گه سفر قیلمسدن آلدین 8 کون کابلده قالدی و بو زمانده افغانستان حکومتی نینگ یوقاری مرتبه‌لی رسمی‌لری بیلن اوچره‌شیب تینچلیک لایحه‌سی خصوصیده فکر بیلدیرگن.
