.jpg)
ملی بیرلیک حکومت‌نینگ شرط‌نامه سی اساسیده، جمهور رئیس اساسی قانونگه اوزگریش کیریتیش و باش وزیرلیک مقامی قوریلیشی نی تَن آلگن ایدی. جمهور رییس‌نینگ آنت ایچیش مراسمی‌دن سونگ، اساسی قانون اوزگرشیلیک مقدمه سی نی تهیه قیلیش اوچون کمیسیون تشکیل بیریب و اوندن سونگ عنعنوی قورلتای یولگه قویشی کیرک و قورلتای نصابی نی تکمیل قیلیش اوچون اساسی قانون ایکنچی بند و 110- ماده سی اساسیده تیزلیکده تومن‌لر کنیگشی‌نینگ یولگه قویشی کیرک.
حکومت تومن‌لر کینگشی سیلاولرنی یولگه قویش بیلن اساسی قانونگه اوزگرشلیک کیلتیریش و ملی بیرلیک حکومتی شرط‌نامه سی نی عمل‌گه آشیریش خصوصیده سعی و حرکت قیله‌دی می؟
اجراییه ریاستی سوزلاوچیسی‌نینگ اورین باسری جاوید فیصل‌نینگ ایتیشیچه، ملی بیرلیک حکومتی‌نینگ شرط‌نامه سی بوتونلی صورتده عمل گه آشیریلیشی خصوصیده جناب عبدالله مصمم دیر، انه‌شو سبب تومن‌لرکینگشی سیلاولری بولیب اوتکنی دن سونگ عنعنوی قورلتای اساسیده اساسی قانون گه اوزگرشلیک کیلتریلیب و باش وزیرلیک کرسی سی قوریلیش اوچون سعی و حرکت ایتیله‌دی. جناب فیصل گه کوره، اوشبو برنامه عمل گه آشیریلیشی اوچون هنوز زمان باردیر.
ریاستی نظام، پارلمانی نظام گه اوزگریشلیگی بیلن اجرایی باشلیغی‌نینگ بیر رویا سی‌نینگ عمل گه آشیریلیشی ممکن. بیراق جمهورلیک ریاستی سوزلاوچیسی‌نینگ اورین باسری شاه‌حسین مرتضوی‌نینگ سلام وطندارگه ایتیشیچه، ملی بیرلیک حکومتی افغانستان اساسی قانونی‌گه کوره ایش‌لب کیلماقده و تومن‌لر کینگشی هم اساسی قانون بیروغی اساسیده یولگه قویله‌دی.
کابل بیلیم یورتی‌نینگ اوقیتووچی سی فیض‌الله جلال‌نینگ ایتیشیچه، عنعنوی قورلتای و اساسی قانون اوزگرشلیک کیلتریش اوچون تومن‌لر کینگشی سیلاولری حکومت تامانیدن یولگه قویله‌دی. جناب جلال گه کوره، اساسی قانون گه اوزگریشلیک کیلتیریش نی طالبلر ایسته‌یدی و حکومت اوشبو گروه نی تیینچ‌لیک لایحه سی گه تشویق ایتیش اوچون اولر ایستک‌لرینی نظرگه آله‌دی.
.jpg)
تومن‌لر کینگشی‌نینگ تشکیلاتی
افغانستان سیلاولر قانونی‌نینگ 30- ماده سیده «هر تومنده بیر کینگش بولیب اونینگ اعضالری مذکور تومن آواز بیرووچیلری تامانیدن ایرکین، عمومی، سری و مستقیم سیلاو اساسیده تعیین ایتیله‌دی» اوشبو قانون 31- ماده سیگه کوره «تومن کینگشی اعضالری‌نینگ سانی تومن جمعیتی اساسیده تعیین ایتیله‌دی؛ 20 مینگ جمعیتی بولگن تومنده 5 نماینده، و 20 دن 40 مینگ جمعیتی‌لیک تومنده 7 نماینده، 40 دن 60 مینگ جمعیت کچه 9 نماینده، 60 دن 80 مینگ جمعیتلی تومنده 11 نماینده، 80 دن 100 مینگ جمعیتی بولگن تومنده 13 نماینده و شونینگ‌دیک 100 مینگ کیشی‌لیک تومن ده 15 نماینده تعیین ایتیله‌دی»
بیراق اساسی سوراق شو که تومن‌لر جمعیتی بیلی بولگن می؟ اوشبو سوراق ده جمعیت نی رویخطکه آلیش اداره سی‌نینگ سوزلاوچیسی روح‌الله احمدزی‌نینگ جوابی منفی دیر. جناب احمدزی‌نینگ ایتیشیچه، برقی کیم‌لیک لر توزیع ایتیلیب و جمعیت نی رویخطکه آلیش سیستمی برقی بولمگن حالده افغانستان جمعیتی‌نینگ ارقامی بیلی بولمیدی.
باشقه بیرتاماندن عدلیه وزیرلیگی‌نینگ تقنین انستیتوتی باشلیغی عبدالله غنی‌زاده‌نینگ ایتیشیچه، تومن‌لرکینگشی خصوصیده هیچ قندی قانون یوق و حکومت ینگی‌لیکده اوشبو ایش مقدمه سی توغریسیده ایش نی باشله‌گن.
عین‌حالده، حقوقی بیلرمانلردن بیری موسی فریور گه کوره، تومن‌لر کینگشی‌نینگ قانونی بولمگن صورتده، اوشبو نهاد ایش شیوه سی نی ولایتی کینگش قانونی بیلن مقایسه قیلیب تفسیر قیلیشی ممکن. شونینگ دیک تومن‌لر کینگشی کیچکینه کینکش عنوانیده تومن مسووللری ایشلریدن نظارت قیله آله‌دی.
.jpg)
تومن‌لر کینگشی نماینده لری‌نینگ امتیازلری
ملی بیرلیک حکومتی ایچیدن سلام‌وطندارگه صحبت بیرگن منبع‌نینگ ایتیشیچه، تومن‌لر کینگشی‌نینگ نماینده لری حکومت تامانیدن هیچ قندی مادی امتیاز قولگه کیلتیرمیدی و اولرفعالیتی اوچون هیچ قندی دفتر نظرگه توتیلمگن.
مذکور منبع گه کوره، محل کینگش لرینی کوچلی ایتیش اوچون تومن‌لر کینگشی سیلاولری یولگه قویله‌دی و تومن‌لر کینگشی احتمالی کاندیدلریدن بیرقطاری حکومت اوشبو کینگش گه خاص امتیاز نظرگه آلگنی نی توشینه‌دی. انه‌شو سبب بیرقطار منطقه لرده احتمالی کاندیدلر آواز قولگه کیلتریش اوچون پول خرچ قیله‌دی.
ملی بیرلیک حکومتی‌نینگ رسمی منبع‌لری، اوشبو خصوصیده صحبت قیلیش دن وازکیچ‌گن.
.jpg)
تومن‌لر کینگشی دن اهالی‌نینگ معلوماتی
سلام‌وطندار‌نینگ مملکت باشکنتی و ولایت لریده بیرقطار اهالی بیلن قیلگن صحبتی اساسیده، تومن‌لر کینگشی ایشلری توغرسیده کوپینچه اهالی‌نینگ معلوماتی یوق دیر. کورنیشچه طالبلر نظارتی گه بولگن تومن لرده تومن‌لر کینگشی سیلاولری‌نینگ بولیب اویتیش ممکن ایمس.
اوشبو توغریده سیلاولر ایرکین کمیسیونی‌‍‌نینگ فکری آلیش اوچون سعی و حرکت قیلدیک؛ بیراق مذکور کمیسیون اعضالری سیلام‌وطندارنینگ قونراق لریگه جواب قیترمه‌دی. عین‌حالده محلی ارگان لر سوزلاوچیسی منیره یوسف‌زاده‌نینگ ایتیشیچه، مذکور اداره تومن‌لر کینگشی‌نینگ فایده‌لری توغریسیده اهالی نی آگاه لنتریش اوچون تومن‌لر و قیشلاق لرده کینگ کمپاین یولگه قویگن.
