رسمی کابل – تهران مناسبتلری آلدین‌دن کوره یخشی له‌نیشی اوچون افغانستان‌گه سفر قیلگن ایران تشقی ایشلر وزیری جواد ظریف، افغانستان – ایران جدی تهدیدلر آستیگه آلینگن دیدی. منطقه‌ده‌گی ترورچیلر کوچله‌نیشی بیلن بو تهدیدلر کون ساین آشماقده دیدی جناب ظریف. اونینگ سوزلریگه کوره، منطقه دولتلریده ترورچی گروه‌لرنی حمایت قیله‌دیگن قوللر ایشله‌یدی. ایران و افغانستان قوشمه بیر برنامه اساسیده ترورچی گروه‌لرنی نابود قیلیشی ضرور دیگن او.
ظریف، کابل – تهران بیر- بیراویگه همکارلیک قیلیش اوچون تورلی شرایطلرگه ایگه دیدی. ترورچیلر، مخدرماده، انسان قاچاقی و جنگریلرنینگ مالی حمایت منبعی توسیلیشی اوچون جدی مبارزه بولیشی اوستیده تاکید قیلگن ایران تشقی ایشلر وزیری.
ملاقاتده ایران تشقی ایشلر وزیری ایکّی مملکت نینگ اقتصادی همکارلیکلر اوستیده ینه بیر مرته تاکید قیلگن.
مملکت تشقی ایشلر وزیری صلاح‌الدین ربانی، ترورچی گروه‌لر اینگ کوپ زیاننی اسلامی دولتلر اینیقسه منطقه مملکتلریگه ییتکزه‌دی دیگن. ترورچیلر نابود قیلینیشی اوچون لازم درجه‌ده سعی و حرکت قیلیش درکار دیگن ربانی.
جناب ربانی، افغانستان‌ده‌گی ترورچی گروه‌لر چیت دولتلردن توریب مالی حمایت بوله‌دی دیگن. مساله توغریسیده بیرلشگن ملتلر تشکیلاتی بی‌فرق قالمس‌لیگی ضرور دیگن مملکت تشقی ایشلر وزیری.
شونینگدیک ایران تشقی ایشلر وزیری جناب ظریف افغانستان جمهور رییسی محمداشرف غنی، اجراییه ریاستی باشلیغی عبدالله‌عبدالله و ملی خوفسیزلیک کینگشی مصلحتچیسی محمد‌حنیف اتمرلر بیلن اوچره‌شیب ملاقات قیلیشی کوتیله‌دی.
بوندن آلدین محلی مسووللر و پارلمان اعضالری دولت قوراللی مخالفلری ایران آرقه‌لی حمایت بولگن‌لیگینی تیلگه آلگن ایدیلر.
