نماینده‌لر مجلسی تنباکو و چکیله‌دیگن نرسه‌لر کیلتیریلیش سالیقی‌نی یوزده – یوز کوپیتیردی
نماینده‌لر مجلسی‌نینگ بیر قطار اعضالری، مجلس‌نینگ اقتصادی کمیسیونی‌گه تنباکو و چکیله‌دیگن نرسه‌لر قانونی‌نینگ ایکینچی فقره‌سی ییگیرمنچی ماده‌سی‌گه اوزگریش کیلتیریلیب، تنباکو وسگرت سالیقی یوزده – یوز آشیریلیشی‌نی ایتگن‌لر.
مجلس‌نینگ اقتصاد کمیسیون اعضالری‌نینگ ایتیشیچه، افغانستان مالیه وزیرلیگی حاضرگی کونده مملکت‌گه آلیب کیلینه‌دیگن سگرت‌دن 20% و باشقه تنباکو محصولات‌لری‌دن 10 دن 15% گچه مالیه آله‌دی.
پارلمان اقتصاد کمیسیون اعضالری، مالیه وزیرلیگی ایریم کمیسیون‌لری‌نینگ اعضالری مملکت‌گه آلیب کیلینه‌دیگن سگرت سالیقی 50% گه آشیریلیشی اوچون نظر بیرگن‌لر. اولرگه کوره، تنباکو محصولاتی نینگ سالیقی یوزده – یوز آشیریلگن حالده، مملکت اقتصادی‌گه ضربه بیریش همده صفت‌سیز تنباکو محصولاتی قاچاق ایتلیشی‌گه سبب بوله‌دی.
مذکور نماینده‌لر افغانستان‌گه آلیب کیلینه‌دیگن سگرت‌نینگ بیر قسمی مملکت اهالی‌سی تامانیدن چکیله‌دی، یوزده – یوز سالیق آشیریلیشی اهالی نینگ سگرت ساتیب آلیش اوچون مالی معماگه دوچار قیله‌دی.
اما، باشقه بیر قطار کمیسیون اعضالری سگرت مالیه‌سی 100 % آشیریلیشی بار‌ه‌سیده تاکیدله‌گن‌لر.
مذکور نماینده‌لرگه کوره، افغانستان‌ده سگرت تعرفه‌سی کم بولگن لیگی سبب، مملکت‌گه آلیب کیلینه‌دیگن 90% سگرت نینگ کته قسمی قیته‌دن قوشنی مملکت‌لرگه آلیب کیتیله‌دی. بو نماینده‌لر، قوشنی مملکت‌لرده سگرت مالیه‌سی یوزده – یوز کوپیتیریلگنی‌نی ایتگن‌لر.
نماینده‌لرگه کوره، افغانستان‌ده سگرت نرخی ازران بولگن‌لیگی سبب، اهالی آسان‌لیک بیلن سگرت‌گه بیریلیشی‌گه سبب بوله‌دی.
اما، نهایت‌ده نماینده‌لر مجلسی نینگ اعضالری کوپچیلیک آواز بیلن سگرت کیلتیریش اوچون مالیه‌نی 100 % آشیرگن‌لر.
نماینده‌لر مجلسی نینگ اعضالریدن عباس ابراهیم‌زاده‌نینگ سوزلریگه کوره، بیر ییل‌ده ایکی میلیادر دالر سگرت اوچون افغانستان‌دن تشقی مملکت‌لرگه آلیب چیقیله‌دی. او، سگرت سالیقی 100 % آشیرگن حالده، افغانستان بیر ییل‌ده ایکی میلیارد دالر درآمد قیلگن بوله‌دی دیگن.
