ایچکی ایشلر وزیرلیگی سوزلاوچیسی صبغت احمدی، طالبان هیأتی نینگ ایران مملکتی تامان قیلگن سفریده عکس‌العمل بیلدیریب ایتیشیچه، حکومت و طالبان آره‌سیده تینچلیک سوزلشووی اوچون زمینه یره‌ته‌دیگن هر بیر مملکتدن خرسندلیک بیلدیره‌دی.
اونگه کوره، طالبان روسیه و ایران مملکتی‌ده سفر قیلگندن کیین باشقه نیچه مملکتده هم سفر قیلیشی ممکن.
بوندن آلدین جمهورلیک ریاستی سوزلاوچیسی صدیق صدیقی طالبلرنینگ ایران باریشی توغریسیده عکس‌العمل بیلدیریب ایتیشیچه، طالبان دنیا خوفسیزلیگی اوچون جدی تهدید دیر و بو گروه‌دن میزبانلیک قیلیش مملکتلر آره‌سیده‌گی برچه علاقه‌لر و اصول‌لرگه قرشی دیر.
شو توغریده:
جناب صدیقی نینگ اورغولشیچه: «شونینگدیک طالبان افغانستان یشاوچیلرینی اولدیره‌دی و فخر بیلن اونینگ مسئولیتی نی بوینیگه آله‌دی. طالبلر روایتی اوروش، زوروانلیک و اهالی نینگ اولدیریش دیر.»
طالبان و آمریکا گروهی آره‌سیده‌گی تینچلیک سوزلشوولر لغو ایتیلگنیدن کیین مذکور گروه نماینده‌لری ایران و روسیه مملکتلریده سفر قیلگن و شونینگدیک باشقه نیچه مملکتده سفر قیلیش احتمالی بار.
