افغانستان و ترکیه اورتهسیده اوچ کیلیشووگه قول قوییلهدی. مذکور کیلیشوولر ایکی مملکت تشقی ایشلر وزیرلیگی ارهسیده سیاسی مصلحت المشتیریش، ایکی مملکت ایچکی ایشلر وزیریلگی اورتهسیده امنیتی همکارلیکلر و کابلده مولانا جلالالدین محمدبلخی نامیگه بیلیم یورت تاسیس ایتیلیشدن عبارت.
جمهور رییسلیک سرایی بیر خبرنامه ترقهتیب ایتیشیچه، مذکور شرطنامهلر افغانستان و ترکیه جمهور رییسلری اورتهسیده امضالهنیشی کوتیلهدی.
جمهور رییسغنی رسمی تشریف بیلن اوتگن کون (چهارشنبه) ترکیه باردی. جمهور رییس ترکیه وافغانستانلیک سرمایه یاتقیزووچیلر بیلن اوچرهشیب قیلگن ملاقاتده، ایچکی و تشقی سرمایه یاتقیزووچیلر اوچون مملکتده شرایط یرهتیشدن سوزگن بیرگن.
افغانستانده سرمایه یاتقیزیش اوچون ترکیهلیک ملی سرمایهچیلرنی ترغیب ایتگن جمهور رییسغنی، حکومتی دنیا بانکی، آسیا ترقیات بانکی و باشقه خلق ارا ادارهلر همکارلیگی بیلن افغانستانده سرمایه یاتقیزیش امنیتینی تامین قیلیش اوچون سعی وحرکت قیلهدی دیگن.
جمور رییسلیک سرایی مطبوعات ایشلری بوییچه باشلیغی ناجیه انورینینگ سلاموطندارگه ایتیشیچه، اوشبو اولتیریشده ترکیه رسمیلری افغانستان حکومتی بیلن امنیت، ترقیات و قابلیتنی آشیریش بولیملریگه یاردم بیریشدن سوز بیرگن.
جمهور رییسلیک سرایینینگ خبرنامهسیده یازیلیشیچه، جمهور رییسغنی بوگون (پنجشنبه) ایرتلب ترکیه پایتختی انقرهگه بارگن. ایتیلیشیچه، جمهور رییسغنی ترکیه جمهور رییسی رجب طیب اردغان و باش وزیر احمدداوود اوغلو بیلن ملاقات قیلیشی مولجللنگن.
