آمریکا جمهور رئیسی دونالد ترمپ (19-سنبله) سه‌شنبه کونی بیر توییت آرقلی ملی خوفسیزلیک مصلحتچیسی جان بولتون ایشدن چیقاریلگنینی اعلام قیلدی. جناب ترمپ اوشبو توییت گه یازیشیچه، دوشنبه کیچه جناب بولتون گه باشقه آق‌سرای گه کیلیشی کیره‌ک ایمس‌لیگی توغریسیده خبر بیرگن.
آق سرای سوزلاوچیسی هوگان گیدلی نینگ ایتیشیچه، چارلز کوپرمن ملی خوفسیزلیک کینگشی نینگ موقتی سرپرستی صفتیده تعیین ایتیلگن.
آمریکا جمهور رئیسی جناب بولتون نینگ خذمتلریدن قدردانلیک بیلدیریب ایتیشیچه، ملی خوفسیزلیک کینگشی نینگ ینگی مصلحتچیسی نی کیله‌جک هفته تانیشتیره‌دی.
جان بولتون ایران حکومتی نینگ جدی مخالف‌لریدن تانیله‌دی. جناب بولتون دونالد ترمپ آرقلی چیکلنتریلگن اوچینچی ملی خوفسیزلیک مصلحتچیسی دیر. او 2018- ییل نینگ اپریل آیی‌ده ترامپ تامانیدن مذکور مقام گه تعیین ایتیلدی.
دونالد ترامپ توییتری گه یازیشیچه، جناب بولتون نینگ تکلیف‌لریدن کوپینچه‌سیگه قرشی ایکن و کابینه‌ده‌گی باشقه قطار کیشیلر شونده‌ی فکر گه ایکن.
جناب ترامپ نینگ ایتیشیچه، شو یوزه‌دن جان بولتون نینگ استعفاسینی سوره‌گن و جناب بولتون اوتگن کون استعفانامه‌سینی آمریکا جمهور رئیسی گه تقدیم قیلگن.
ترامپ بولتون بیلن اوزی نینگ آره‌سیده‌گی قرمه‌قرشیلیکلرنی تفصیلاتی گه اشاره قیلمه‌گن، بیراق اوتگن آی ترقه‌تیگلن گزارشلر اساسیده، آمریکا نینگ ایران برابریدگی سیاستی مذکور کیشیلرنینگ آره‌سیده جنجل چیقارگن موضوع‌لردن بیری دیر.
باشقه بیر تاماندن ایتیلیشیچه، مذکور کیشیلر آمریکا و طالبان گروهی آره‌سیدگی سوزلشوولر توغریسده کیلیشه آلمه‌گنی، اوشبو کیشیلر آره‌سیده‌گی علاقه‌لرگه سونگی ضربه نی اورگن.
نیچه کون آلدین واشنگتن‌پست کونده‌لیگی بیر گزارش ترقه‌تیب، بولتون سوزلشوولرگه چیککه گه قالگنینی یازدی.
مذکور کونده‌لیک نینگ گزارشی گه کوره، جان بولتون آمریکا و طالبان کیلیشووی گه قرشی ایکن و شو یوزه‌دن اوتگن آی‌ده مذکور موضوع توغریسیده آمریکا خوفسیزلیک رسمی‌لری نینگ اونملی بیر ییغینی‌ده چقیریلمه‌گن ایکن.
شونینگدیک ایتیلیشیچه، افغانستان تینچلیگی بوییچه آمریکا خاص نماینده‌سی زلمی خلیلزاد آمریکا و طالبان آره‌سیدگی کیلیشوونامه نینگ کاپی سینی جان بولتون گه بیرمه‌گن.
