بوگون (پنجشنبه) دنیادهگی اینگ ییریک سوداگرلیک کیلیشووگه شمالی امیریکه و تینچ اقیانوس اطرافیدهگی 12 مملکت اورتهسیده ینگی زیلاند ده قول قوییلدی.
«تینچ اقیانوس اطرافیدهگی مملکتلر سوداگرلیک همکارلیگی» سوداگرلیک کیلیشوو بولیب، عملگه آشیریلگنیدن کیین، دنیانی 40 فایز سوداگرلیگینی اوزیگه آلهدی.
رویترز خبرنامهسی گزارشی اساسیده، اوشبو سوداگرلیک کیلیشووگه قول قوییلیشی خصوصیده، بیش ییل بحث اوتکزیلگن. مذکور سوزلشوولر میزبانی ینگی زیلاند باش وزیری جانکینینگ ایتیشیچه، اوشبو کیلیشووگه قول قوییش عملگه آشیریلیشی توغریسیده کته آدیم سنلهدی؛ بیراق سونگی باسقیچگه ییتگینچه اوزاق زمان کیرهک.
استرالیا، قوشمه ایالتلر، برونی، پرو، سنگاپور، شیلی، جاپان، زیلاند نو، کانادا، مالزی، مکسیکو و ویتنام مملکتلری، اوشبو سوداگرلیک کیلیشوو اعضاسی دیر، مذکور 12 مملکتنی 800 میلیوندن آرتیق جمعیتی بار.
امیریکه قوشمه ایالتلری سوداگرلیک اتاقلری نمایندهسی میشل فرومننینگ ایتیشیچه، امیریکهنینگ جمهوریخواه اعضالری و مجلس تامانیدن تیتیپی کیلیشووی تصدیقلنیشی توغریسیده ایشانهدی. استرالیا سوداگرلیک وزیری اندریو رابنینگ ایتیشیچه، اوشبو کیلیشوو کیلهجک هفته مذکور مملکت مجلسیگه یوباریلیب تصدیقلنیشی ممکن. مالزیا پارلمانی ایلگریدن، اوشبو سوداگرلیک کیلیشووگه آواز بیرگنلر.
دیمک، تیپیپی مخالفلر و موافقلر بیلن بیرگه بولگن؛ بیراق اوشبو ریجه ایکی ییلگچه ایش آلیشگه تاپشیریلیشی خصوصیده خرسندلیکلر موجود.
اوشبو کیلیشوو مخالفلری، سوزلشوولر سِرلی بولگنی، کوچ کوپهییشی، دنیا شرکتلری نفوذی و یشش محیط تأثیراتیدن هردایم تنقید قیلهدی.
سالیقنی یوقاتیش، منفعتسیز گمرکی تعرفهلر، ثباتلی اقتصاد ارا یوکسلیش و ایش زمینهلری یرهتیلیشی ایجابی موضوعلردن بولیب «تینچ اقیانوس اطرافیدهگی مملکتلر سوداگرلیک کیلیشووی» عملگه آشیریلگنیدن کیین ایزلهنیشی ممکن.
