.jpg)
شمالی کوریا اتم قورال برنامهسینینگ سیناوی دوام ایتر ایکن، امریکه قوشمه ایالتلری، شمالی کوریانینگ جنوبی کوریادهگی احتمالی هجومی آرتیدن (THAAD) زمانوی مشکلر سیستمینی تاسیس قیلیش اوچون قرار آلگن.
سونگی وقتلرده جنوبی کوریا بیلن شمالی کوریا بیر – بیراویگه قرشی عکسالعمل کورستگن. ینگی موردلرده جنوبی کوریا ایکّی کوریا اورتهسیدهگی قوشمه صنعت پارکنینگ سوو و برقینی کسیب قویگن. بو مساله گه عکسالعمل بیلدیرگن شمالی کوریا جنوبی کوریانینگ اوشبو صنعتی پارکدهگی ملازملرینی ایشدن آلیب ماللرینی ضبط قیلگن.
اسوشتید پرس خبر آژانسلیگینینگ بیلدیریشیچه، امریکه تگزاس ایالتینینگ موشک یوکلنگن طیارهلری جمعه کیچهسی اوسان قونالغهسینی جنوبی کوریا مقصدیگه ترک قیلگنلر.
طیارهلرگه یوکلنگن مذکور موشکلر ایریم بابمهلر بیلن زمانوی شکلده جهازلنگن لیگی ایتیلهدی.
.jpg)
جنوبی کوریاگه مذکور موشکلرنی ییتکزیلیشی اورته شرق مملکتلری، اینیقسه چین و روسیهنینگ جدی عکسالعملی روپه ره بولگن. چین تشقی ایشلر وزیری وانگ یی اوز بیانیهسیده، مساله اوچون چین جدی عکسالعمل کورستگن لیگینی بیلدیرگن.
اوز نامی فاش ایتلیشینی ایستمهگن جنوبی کوریانینگ بلند مرتبهلی رسملریدن بیرینینگ سوزلریگهکوره، مذکور موشکلر فقط شمالی کوریا هجوملری آلدینی آلیش اوچون تاسیس ایتیلگن و باشقه مملکتلرنی تهدید قیلیش اوچون هیچ قندهی نیتی یوق دیگن.
امریکهلیک بلند مرتبهلی حربیلردن بیری جنرال توماس وندالنینگ بیلدیریشیچه، بو موشکلرنی جنوبی کوریاگه ییرلشتیریشدن اساسی نیت یالغوز شمالی کوریانینگ احتمالی خطرلری اوچون عملگه آشیریلگن.
بو توغریدهگی تیارگرلیکلر بوندن نیچه کون آلدین شمالی کوریانینگ رهبری کیم جونگ اون مملکت ملی کوچلریگه جنوبی کوریا چیگرهسیده تیار توریشلری بارهسیده بویروغ بیرگن پیتده آلینماقده
