تخار ولایت کینگشی‌نینگ اعضاسی لطیفه سعیدی، قورال‌لی‌لری بیلن بیرگه، اوشبو ولایت یشاوچی‌لریدن بیری‌نینگ اویی‌گه هجوم قیلیب و مذکور عایله‌نینگ اوچ اعضاسی‌نی بیچاق بیلن یره‌لنتیرگن.
اوشبو عایله‌نینگ آته‌سی شیخ عبدالحمید، سلام‌وطندار بیلن اوتکزگن صحبتیده، بو مطلب‌نی بیان ایتیب ایتیشیچه، خانم سعیدی اوتگن کیچه (سه‌شنبه) قورال‌لی‌لری بیلن بیرگه اونینگ اویی‌گه کیریب، تورموش اورتاغی، قیزی و اوزی‌نی یره‌لنتیرگن.
عبدالحمیدگه کوره، ولایت کینگشی‌نینگ اوشبو اعضاسی، پول، مدرک و حجتی بولگن بیر چانته‌نی اونینگ منزلی‌دن آلیب کیتگن.
بیراق، سلام‌وطندار محلی خبرچیسی بیلن صحبت اوتکزگن خانم سعیدی‌نینگ ایتیشچه، مذکور چانته‌ده اوزی‌نینگ موتری‌نی حجت‌لری بار ایکن و اونی آلیش اوچون عبدالحمیدنینگ اویی‌گه باریب و اولرنینگ مقاومتی‌گه روپه‌ره بولگن، نتیجه‌ده اوزیدن دفاع قیلیش اوچون، اولرنی یره‌لنتیرگن.
تخار ولایتی‌نینگ امنیه قومندانلیگی سوزلاوچیسی خلیل اسیرنینگ ایتیشیچه، اوشبو واقعه قنده‌ی بیر شکلده یوزبیرگنی توغریسیده تیرگاو باشلنگن.
گزارش‌لر اساسیده، ولایت کینگشی‌نینگ اوشبو اعضاسی، اوتگن ییل هم، بیر ترافیک پولیس‌نی کلتک‌لگن ایکن.
