اوتگن کیچه (جمعه ۲۴- اسد) ناتانیش کیشیلر تخار بیلیم یورتی نینگ یاتاقخانه‌سیده طالبان گروهی نینگ آق بیراغی نی کوتاریشگن.
تخار بیلیم یورتی باشلیغی خیرالدین خیرخواه، تخار بیلیم یورتی ده طالبلرنینگ بیراغی کوتاریلگنی نی تصدیق‌لب ایتیشیچه، بو ایش بیر طلبه آرقه‌لی صورت تاپگن.
اونگه کوره، بو ایش قنده‌ی صورت تاپگنی خصوصیده تیکشیروولر باشلنگن.
تخار یشاوچی‌لری نینگ سلام‌وطندارگه ایتیشیچه، طالبان گروهی مذکور ولایت نینگ طلبه‌لری بیلن علاقه‌سی بار و تخار بیلیم یورتی‌دن آدم آلماقده.
اولر، دولت نینگ توجه‌سیزلیک‌که عیب‌لب ایتیش‌لریچه، وضعیت شونده‌ی دوام تاپگن صورتده، تخار طالبان گروهی نینگ قولیگه سقوط قیلیشی ممکن.
تخار محلی مسئوللری بو حقده سوزلش گه حاضر بولمه‌گن.
تخار مملکت نینگ شمال – شرقی ده قرار تاپگن ولایت‌لردن بیری دیر کیم طالبان و باشقه ترورچیلیک گروه‌لر بو ولایتده کینگ فعالیت قیله‌دی.
شونینگدیک ایکی کون آلدین ناتانیش قوراللی کیشیلر ابوعثمانی تالقانی مکتبی نینگ مذکور ولایت مرکزیده اوت بیرگن ایدی.
