تخار ولایتی نینگ ینگی، دیته، پستکان، تل کندال، یس پوخ بالا، یس پوخ پایین، وغنان منطقه سی شاولی پل و ورسج ولسوالیک‌لریده‌گی قار کوچگیسی نتیجه سیده قطار قیشلاق‌لر قار آستیده قالگن.
قیشلاق‌لری یشاووچیلری‌گه کوره، قار آستیده قالگن‌لر تقدیری حقیده هیچ قنده‌ی معلومات قولده ایمس. اولرنینگ ایتیشیلریچه، قار کوچگیسی یوز بیرمسدن آلدین وغنان منطقه سی نینگ یولی قَلین قار عاقبتیده یاپیلیب قالگن. اوندن تشقری اون اوچ قار کوچگیسی روی بیرگن.
وغنان منطقه سی قیشلاق‌لرنی رواجلنتیریش اداره سی نینگ رییسی ملا سمیع الله گه کوره، اون بیش کوندن بیری وغنان نینگ ییتی ولسوالیگی بیلن علاقه کیسیلیب قالگن. ولایت سرپرستی، پولیس قوماندانی و ملی خوفسیزلیک اداره سی نینگ باشلیغی سه‌شنبه کونی قارده قالگن‌لر وضعیتی‌نی یقیندن کوزه تیش اوچون ورسج‌گه سفر قیلگن. شونینگ‌دیک وغنان منطقه‌لری یولی قیته‌دن ترافیک یوزیگه آچیلیشی اوچون محل حکومت آرقه‌لی تحقیقی گروه یوبارگن.
مملکت شمال شرقیده قیشلاق‌لر یولینی قوریش اداره مسوولی عبدالمومن سید، یول‌لر آچیلیشی اوچون معین گروه‌لر ایشگه سالینگن لیگی‌نی ایتگن. هنوزگچه 72 کیلیو متر یول قیته‌دن ترافیک یوزیگه آچیلگن. اما، محل یشاووچی‌لری نینگ بیلدیریشلریچه، یول تیزلیک‌ده آچیلمیدی.
شونینگ‌دیک اولرگه کوره، کیلگوسی کونلرده هوا ایسیشی بیلن قار کوچگیسی یوز بیریشی هم ممکن.
انسانی فاجعه یولده
تخار ولایت سرپرستی عبدالطیف ابراهیمی، حادثه ده‌گی جانی تلفات باره سیده انیق معلومات قولده ایمس لیگی‌نی ایتگن. بیراق، مساله گه بی فرق یانده شیلگن حالده، انسانی فاجعه روی بیریشی ممکن دیگن ولایت سرپرستی.
جناب ابراهیمی نینگ سلام وطندارگه ایتیشیچه، تحقیقی گروه قوشیمچه طبی شفاکارلر محل‌گه یوباریلگن.
مذکور گروه‌لر آتده یول یوریب، محل‌گه باریشلری ایتیله‌دی.
ولایت سرپرستی، محلی حکومت هنوزگچه بو توغریده مرکزی حکومت بیلن جبر کورگن‌لرگه هوادن یاردم ییتکزیب بیریلیشی‌نی سوره گن. اما، هلی‌گچه هم مرکزی حکومت موضوع‌گه اونچه‌لیک جدی اعتبار قرتمه گنلیگی‌نی تیلگه آلگن.
پنجشیر ولایتی پریان ولسوالیگی بیلن چیگره داش وغنان خلقی نینگ وضعیتی یامان لیگی ایتیله‌دی. اهالی، قار کوچگیسی مردم‌گه جدی مالی زیان ییتکزیگن لیگی‌نی بیلدیرگن‌لر.
