.jpg)
ایکی آیدن سونگ بادغیس ولایتی بالامرغاب تومنی نینگ مرچاغ قلعهسی امنیتی کوچلر نظارتیگه اوتدی.
مملکت غربیده چیگره کوچلر رسمیلری نینگ ایتیشیچه، مذکور قلعه طالبلر قولیدن آلینیشی بیلن 15 مینگ جریب ییر کوکناردن تازه لنگن.
غرب حوزهسیدهگی 5- لوا قومندانی جمعه عدیل نینگ سلاموطندارگه ایتیشیچه، طالبلر ایکی آی آلدین بالامرغاب نینگ مرچاق قلعهسیگه هجوم قیلیب مذکور قلعهنی تصرفلریگه آلگن ایدی.
جناب عدیلگه کوره، طالبلر مذکور قلعهنی تصرف قیلیب برچه تاریخی ییرلرینی نابود قیلگندن علاوه ایکین ییرلرگه کوکنار ایککنلر.
.jpg)
مذکور باستانی قلعه بوندن ایکّی آی آلدین 40 گه یقین امنیتی کوچلر قملگه قالگندن سونگ بولر طالبلرگه قوشیلیشی آرتیدن قلعه جنگریلر نظارتیگه اوتگن ایدی.
مرچاق قلعهسی بادغیس ولایتی بالامرغاب تومنی نینگ ناتینچ منطقه لریدن سنه لهدی، نیچه هفته آلدین 207 ظفر قول اردو باشلیغی جنرال محیالدین غوری مینیلگن حربی اوچاق بو منطقه گه قولهب توشیشی نتیجهسیده، جناب غوری قوشیمچه نیچه حربی منصبدار عالمدن اوتگن ایدی.
