تخار ولایتی نینگ پولیس قومندانلیگی سوزلاوچیسی خلیل اسیرنینگ سلام‌وطندارگه ایتیشیچه، یکشنبه دن دوشنبه گه اوتر کیچه ساعت 11 اطرافیده خواجه‌غار تومنیده هواشناسلیک نامیده بولگن بیر امنیتی پوسته اوستیگه طالبان گروهی هجوم قیلگن. اونگه کوره، بو هجوم ده محلی کوچلردن 16 ته‌سی و چیگره کوچلریدن 2 ته‌سی هلاک ایتیلگن و باشقه 3 ته‌سی یره‌لنگن.
جناب اسیرنینگ کوپه‌یتیریشیچه، منطقه گه یاردمچی کوچلر ییتیشگنیدن سونگ، آتیشمه 3 ساعت دن کیین یکونلنگن.
تخار پولیس قومندانلیگی سوزلاوچیسی نینگ ایتیشیچه، بو هجوم ده طالبان گروهی هم قربانلیک بیرگن، بیراق رقمی بیللی ایمس دیر.
عین دمده، خواجه‌غار تومنیدن بولگن محلی بیر منبع نینگ سلام‌وطندارگه ایتیشیچه، محلی کوچلردن 3 ته‌سی نینگ جسدی یوقالگن.
اوشبو منبع نینگ کوپه‌یتیریشیچه، مذکور پوسته ده محلی و تیز یاردم کوچلری جایلشگن ایکن.
ایتیش کیره‌ک کیم، ایکی هفته آلدین هم خواجه‌غار تومنیده طالبان گروهی تامانیدن اویوشتیریلگن هجوم نتیجه‌سیده 13 پولیس هلاک و باشقه 13 ته‌سی یره‌لنگن ایدی.
