مملکت اجراییه رییسی عبدالله عبدالله پاکستان باش وزیر سوزلریگه عکساالعمل بیلدیریب ایتیشیچه، بو مملکت قوراللی طالبلرگه بولگن همکارلیگیدن قول کوتارمهگن حالده، افغانستان حکومتی قوراللی طالبلر بیلن مذاکره اوتکزمیدی.
اخیرگی کونلرده، پاکستان باش وزیری نواز شریف طالبلرنی افغانستان حکومتی بیلن تینچ مذاکرهگه تیار قیلیشنی ایتگن ایدی. جناب شریف، طالبلر بوندن آلدی افغانستان حکومتی بیلن تینچلیک مذاکرهگه اولتیریشدن باش تارترایدی، اما اسلام آباد اولرنی کوندیرگن دیگن.
افغانستان اجراییه باشلیغی، تینچلیک مذاکره اوتکزیش افغانستان حکومتی ایستهگی، اما جنگری طالبلر تشقی مملکتلردن حمایه بولمسلیکلری بارهسیده تاکیدلهگن.
عین حالده، قطار سیاسی تحلیلچیلرگه کوره، افغانستانده قوراللی طالبلرنینگ هجومی آشگندن سونگ، بیرلشگن ملتلر تشکیلاتی پاکستان حکومتینی ترورچیلردن حمایت قیلگنلیکده عیبلهدی و انه شو سبب پاکستان باش وزیری بیرلشگن ملتلر تشکیلاتی قرهشینی اوزگرتیریشگه سعی و حرکت قیلهدی.
سیاسی تحلیلچی همده بیلیم یورت استادی طاهر هاشمینینگ سلاموطندارگه ایتیشیچه، بیرلشگن ملتلر تشکیلاتی پاکستاننی افغانستانگه ارهلهشیشی همده ترورچیلردن حمایت قیلیشی بارهسیده معلوماتگه ایگه بولگن. اونگه کوره، رسمی اسلام آباد طالبلرنی تینچلیک مذاکرهگه کوندیریش بهانهسی بیلن بیرلشگن ملتلر تشکیلاتی قرهشینی اوزگرتیرماقی بولهدی.
سیاسی ایش بیلرمان لطیف نظریگه کوره، پاکستان اوز شخصی منفتلرینی تامین قیلیش اوچون افغانستان بیلن ایریم اویینلرنی اوینهماقچی بولهدی. جناب نظری، بو مملکت اوزینی بیرلشگن ملتلرتشکیلاتی آلدیده تینچلیک حامیسی ایکنلیگینی اثبات قیلیشگه اولگورهدی دیگن.
مذکور سیاسی تحلیلچی، پاکستان حکومتی افغانستانده تینچلیک و برقرارلیک تامین ایتیلیشی اوچون هیچ قندهی تشقی سیاستی اوچون برنامهسی یوق لیگینی تیلگه آلگن. او، افغانستان دولتی هم تینچلیک مذاکرهلر، ترورچیلرگه قرشی کورهشیش و اولرنی حمایت قیلهدیگنلر بیلن معین استراتیژسی بولمهگنلیگینی بیلدیرگن.
پاکستان حکومتی هر دایم افغاستان دولتی بیلن جنگری طالبلر اورتهسیده تینچلیک مذاکره اوتکزیلیشی اوچون تیارگرلیک کورستگن، لیکن باشقه تاماندن هر دایم طالبلرنی حمایت قیلیب تینچلیک مذاکرهلرگه صادق بولمهگنلیگی ایتیلگن.
